Mesazh në kohën e duhur!
torë të rëndësishëm në jetën shoqërore dhe me rëndësi primare në zhvillimin pozitiv të ngjarjeve në vend. Sidomos në raste të tilla krizash politike, të cilat rëndojnë zinxhirin e faktorëve të tjerë: ekonomikë, socialë e psikologjikë të qytetarëve.
Ky mesazh nuk drejtohet vetëm ndaj përfaqësuesve të politikës, por edhe ndaj medias, e cila duhet të tregohet më e vetëpërmbajtur në transmetimin e ngjarjeve, duke respektuar të vërtetën. Është e çuditshme që një deklaratë e tillë qarkullon kaq pak në ekranet e televizioneve, stacionet radiofonike, gazeta, si dhe portale lajmesh e rrjete sociale. Për të ardhur keq që publiku i shpërqendruar shqiptar duhet të kërkojë vetë në mënyrë rastësore dhe jo t'i ofrohet nga të gjithë zërat mediatikë një mesazh i tillë që përcjell frymën e nevojshme dhe shtensionon situatën. Media ka përgjegjësi publike ndaj interesave të qytetarëve dhe neglizhenca ndaj kësaj deklarate është si të shkosh në shkollë pa bërë detyrat. E thënë shkoqur, mungesë profesionalizmi dhe indiferencë e mungesë respekti ndaj vlerave.
Mbetet jo vetëm për t'u përgëzuar ky qëndrim i përbashkët nga komunitetet fetare, por për t'u lexuar e rilexuar disa herë, për ta përcjellë te familjarët, miqtë dhe të afërmit. Një mesazh i tillë realist e jo retorik, vjen në kohën e duhur, edhe pse nuk po përcillet në mënyrën e duhur. Nëse politika e media tregohen neglizhente, të paktën qytetarët, e sidomos besimtarët dhe dashamirësit e komuniteteve fetare, e kanë një çelës në dorë. Të zbatojnë mesazhin! Asgjë nuk kalon pa lënë gjurmë.