Malaj: Nëse kriza politike vazhdon, do ketë pasoja në ekonomi
"Votuesit nuk kanë besim te politika"
KRIZA
"Besoj se, pavarësisht nga koha aktuale, por edhe nga partnerët strategjikë, do ketë një zgjidhje. Koha e mbetur duhet të shfrytëzohet në maksimum. Sa më shumë kontakte, aq më shumë zgjidhje ka. Politika është akt i kompromisit dhe duhet t'i parandalojë krizat politike dhe jo t'i ushqejë", - tha Malaj.
njerëzit e kualifikuar", - tha Malaj. Ndër të tjera Arben Malaj tha se në situata krize politike, politikanë ndihen më të përkëdhelur. Ai tha se kriza politike ndikon edhe te qytetarët e thjeshtë. "Ne du-
het të shpresojmë që të gjendet një zgjidhje. Në situata krize politikanët ndihen më të përkëdhelur se kur situata është normale. Ekziston një lidhje e fortë mes ekonomisë dhe politikës. Unë besoj se kriza në kohë moderne nuk mund të jetë një sukses. Nëse kriza vazhdon, sistemi financiar bëhet më shumë i tkurrur. Probleme ka edhe te bizneset e reja. Ka ndikime indirekte për qytetarët edhe në shërbime, pra në shëndetësi, arsim etj.", - tha Malaj. Malaj u shpreh se votuesit nuk kanë besim te politika, ndërsa politikat populiste shkatërrojnë ekonominë. "Votuesit nuk kanë besim te politika, pasi elita nuk është në shërbim të ndaljes së varfërisë. Politikat populiste shkatërrojnë ekonominë dhe kriza bëhet më e thellë. Me rëndësi është që studiuesit dhe politikëbërësit të bashkëpunojnë. Arritja e një marrëveshjeje, nuk ka të bëjë kush humbet dhe kush fiton, pasi marrëveshja ndihmon Shqipërinë të dalë nga kriza. Marrëdhëniet e qeverisë me bizneset janë përmes asosacioneve, por ne këtë kulturë nuk e kemi. Pra qeveria jep drafte dhe merr propozime, ndërsa nga ana tjetër biznesi përdoret pak për ekspertiza të thelluara", - tha Arben Malaj.