Qato: 520 pronarët që duhet të plotësojnë dokumentet për të marrë paratë
Tokat e zëna nga ndërtimet pa leje, dokumentet që duhen dorëzuar në ATP Aplikuesit duhet të paguajnë tarifën e shërbimit në vlerën 2.000 lekë
Agjencia e Trajtimit të Pronave bën të ditur se çeli dje procedurat për kompensimin e pronarëve që u është zënë toka nga ndërtimet pa leje. Pronarët që përfitojnë kompensimin duhet të aplikojnë në Agjencinë e Trajtimit të Pronave duke plotësuar formularin- tip dhe dorëzuar gjashtë dokumente. Kostoja e aplikimit është 2 mijë lekë, ndërsa afati i shqyrtimit të kërkesës është 90 ditë. Grupi i punës, brenda 60 ditëve nga pranimi i kërkesës verifikon dokumentet, ndërsa Drejtoresha e Agjencisë së Trajtimit të Pronave, brenda 30 ditëve nga verifikimi firmos pagesat. Subjektet përfituese, kërkesa e të cilave nuk është pranuar për mungesë dokumentacioni gjatë procedurave të mëparshme, kanë të drejtë të riaplikojnë. Këto subjekte nuk paguajnë tarifë shërbimi, nëse provojnë pagimin e saj gjatë aplikimit të mëparshëm.
APLIKIMI
"ATP- ja fton të gjitha subjektet e interesuara, emrat e të cilëve janë miratuar me VKM Nr. 395, datë 03.05.2017, "Për kalimin e së drejtës së pronësisë për parcelat e objekteve të legalizuara dhe kompensimin financiar të pronarëve të pasurive të paluajtshme që preken prej tyre" të paraqiten pranë zyrave tona për dorëzimin e kërkesës për kompensim nga fondi i ALUIZNI- t", - thuhet në njoftimin e firmosur nga drejtoresha e ATP- së, Sonila Qato. Referuar këtij vendimi, lista e pronarëve që duhet të plotësojnë dokumentet ka 520 përfitues dhe publikohet e plotë nga "Gazeta Shqiptare". "ATP- ja ka ngritur grupin e punës, i cili do të kryejë pranimin
dhe regjistrimin e kërkesave të subjekteve të interesuara. Të gjitha subjektet e interesuara mund të paraqiten në Agjencinë e Trajtimit të Pronave, me adresë: rruga ' Muhamet Gjollesha', Nr. 54, Tiranë, pranë Fakultetit të Inxhinierisë së Ndërtimit, çdo ditë, nga e hëna në të premte, ora 09: 00 - 12: 00", - thuhet në
Procesi i regjistrimit apo pranimit të kërkesave për kompensim fillon 5 ditë pas datës së njoftimit publik. Me urdhër të Drejtorit të Përgjithshëm të ATP- së ngrihet grupi i punës për pranimin dhe shqyrtimin e kërkesave, me objekt shpër- blimin e pronarëve të pasurive të paluajtshme, pronë private që preken nga ndërtimet informale dhe shpërndarjen e fondit përkatës. Grupi i punës, brenda 60 ditëve nga data e paraqitjes së kërkesës për kompensimin e pronës, kryen verifikimet e duhura. Drejtori i Përgjithshëm i ATP- së, brenda 30 ditëve nga data e përfundimit të procesit të verifikimit nga grupi i punës, nxjerr vendimin me emrat e subjekteve që përfitojnë nga kompensimi dhe urdhëron publikimin e listës së subjekteve që kompensohen. Gjithashtu, ai njofton edhe aplikantët që nuk përfshihen në listën e subjekteve që kompensohen, duke përcaktuar arsyet e mospërfshirjes.
Kërkesa- tip që vihet në dispozicion nga grupi i punës pranë ATP- së, e plotësuar sipas rubrikave;
Dëshmia e trashëgimisë për të gjithë trashëgimtarët e ligjshëm të subjektit përfitues, sipas radhës së trashëgimtarëve, në përputhje me përcaktimet e Kodit Civil. Për dëshmitë e trashëgimive të lëshuara nga gjykata për testamentin e bërë me akt noterial, të sillet certifikatë familjare e personit për të cilin është lëshuar kjo dëshmi ( në rast se subjekti përfitues ka vdekur);
Prokura e posaçme, e nënshkruar nga të gjitha subjektet që përfitojnë kompensim, ku si tagër i nevojshëm të jetë edhe e drejta për të tërhequr vlerën financiare, në emër të tyre. Në rastet kur nuk është e mundur të dorëzohet prokura e posaçme, secili bashkëpronar apo një pjesë e tyre, paraqesin kërkesë individuale apo të përbashkët, për pjesën takuese në pronën që kompensohet. Në rastin e kërkesave individuale të secilit bashkëpronar apo të një pjese të tyre, për çdo aplikim të kryer, paguhet tarifë shërbimi në vlerën 2.000 ( dy mijë) lekë, pavarësisht se i përket së njëjtës pasuri të paluajtshme;
Vërtetimi origjinal i lëshuar nga një bankë e nivelit të dytë për hapjen e llogarisë bankare dhe IBAN- in përkatës; Fotokopja e dokumentit të identifikimit; Certifikata familjare e kërkuesit/ aplikuesit; Mandatpagesa për shumën 2.000 ( dy mijë) lekë për çdo aplikim të veçantë.