Kosova hyn në zgjedhje, Haradinaj në garë me Hotin
Koalicioni i UÇK- së PDK, AAK dhe Nisma, bashkë në zgjedhje Vetëvendosja jashtë koalicioneve, garon e vetme
Partia Demokratike e Kosovës është bashkuar në koalicion parazgjedhor me Aleancë0dinaj. "Besojmë se kjo është zgjidhja më e mirë dhe kërkesa e viteve të fundit. Ky vend ka nevojë që të drejtohet nga një njeri me kredibilitet, dhe ne besojmë se ky njeri është Ramush Haradinaj", - tha Muharrem Nitaj, zëdhënës i AAK- së. Përfaqësues të tri partive të dala nga UÇK- ja, në bazë të një marrëveshjeje të arritur në limitet e afateve të përcaktuara nga KQZ- ja, kanë vendosur të garojnë bashkë në procesin elektoral të 11 qershorit, ndërsa duke thyer çdo parashikim, ndonëse lista do të udhëhiqet nga Kadri Veseli, kandidati për kryeministër, do të jetë kreu i AAK- së, Ramush Haradinaj. Sipas akordit, në listën e përbashkët të kandidatëve për deputetë, 50% e përfaqësuesve do të jenë nga PDK- ja, ndërsa 50% do të jenë nga Nisma dhe AAK. Gjithashtu, Partia Demokratike e Kosovës, pritet të marrë kontrollin e shumicës së dikastereve qeveritare, gjithmonë nëse koalicioni do të jetë i suksesshëm. Ndërkaq, LDKja e Isa Mustafës ka arritur një marrëveshje bashkëpunimi me AKR- në e Behgjet Pacollit. Në rast se do të drejtojnë një fushatë të suksesshme, Lidhja Demokratike e Kosovës do të duhet të ndajë me AKR- në postin e kryetarit të Parlamentit, ndërkohë që në marrëveshje përfshihet gjithashtu zgjedhja e Pacollit president, pas përfundimit të mandatit të Thaçit. Përveçse me AKR- në, LDK- ja ka arritur marrëveshje edhe me parti të tjera më të vogla, të cilat nuk kanë një peshë domethënëse elektorale. Sikurse u bë e ditur më herët, kandidati për kryeministër nga ky grupim do të jetë Avdulla Hoti. Njeriu që largohet nga posti i shefit të ekzekutivit, e njoftoi 3 ditë më parë vendimin e tij për të mos kandiduar më. "Du-