RIJETËSIMI HISTORIK I VUNOIT DHE QEPAROIT

22

studentë të Kursit të Menaxhimit Urban, në Universitetin Teknik të Berlinit, përgjatë një udhëtimi studimor 10- ditor në fshatrat Vuno e Qeparo, në bashkëpunim të ngushtë me 10 profesionistë të rinj si dhe përfaqësues të institucioneve shqiptare partnere të GIZ në këtë projekt kanë bërë një studim mbi Vunoin e Qeparoin në Himarë. Në një takim të mbajtur nga programi "Zhvillimi i Integruar dhe i Qëndrueshëm i Rajonit Bregdetar Jugor" [ ISDSCR], i implementuar prej GIZ në Shqipëri, u fol për temën "Modele të Qëndrueshme të Konservimit Urban dhe Rijetësimit të fshatrave historikë Vuno & Qeparo në Himarë". Ky prezantim shpalosi gjetjet e para të një kërkimi akademik të bërë dhe nga pjesëmarrësit u theksua rëndësia që ka trashëgimia kulturore, por edhe pesha apo potencialin për t'u kthyer në një motor të vërtetë ekonomik, jo vetëm për banorët e fshatrave, por edhe më gjerë, nëse qasjet dhe modelet ekonomike të aplikuara janë ata të integruara dhe të qëndrueshme. Aktiviteti ngjalli interes edhe ndër ar- kitektë e profesionistë në fushën e restaurimit e konservimit, studentë të arkitekturës, planifikimit, trashëgimisë kulturore etj., nga universitete të ndryshme në Shqipëri, por edhe përfaqësues të kfw dhe GIZ në Shqipëri, apo kalimtarë rastësorë që u tërhoqën nga atmosfera nën RE. Idetë përfundimtare të modeleve dhe alternativave ekonomike për konservimit dhe rijetësimin e fshatrave tradicionalë të hartuara specifikisht për komunitetin dhe grupet e tjera të interesit do të prezantohen nëpërmjet një publikimi akademik të hartuar nga Programi ' Menaxhim Urban' në Universitetin Teknik të Berlinit, në bashkëpunim më GIZ gjatë vjeshtës së këtij viti. Gjatë aktivitetit të mbajtur te ' Reja' u hap edhe një ekspozitë me fotografi momentesh të Vunoit dhe Qeparoit, fiksuar nga fotografi Armand Habazaj, e mundësuar nga GIZ, por edhe të 15 fshatrave të tjerë të Himarës, që erdhën nëpërmjet broshurave turistike të realizuara nga programi "Zhvillimi i Integruar dhe i Qëndrueshëm i Rajonit Bregdetar Jugor".