Fatmir Xhafaj takon homologun italian, vendoset një grup i përbashkët pune mes dy ministrive
Me Prokurorin Kombëtar Antimafia diskutohet reforma në drejtësi
Ministri
i Brendshëm në vendin tonë, Fatmir Xhafaj takoi dje në Itali homologun e tij Marco Minniti dhe Prokurorin Kombëtar Antimafia Franco Roberti. Gjatë vizitës zyrtare, mësohet se ministri i Brendshëm i Italisë vlerësoi punën e deritanishme nga pala shqiptare kundër mbjelljes së kanabisit dhe trafikimit të lëndëve narkotike, si dhe bashkëpunimit shumë të mirë mes dy vendeve në fushën e sigurisë. Minniti shprehu konsiderata për bashkëpunimin midis dy policive, por theksoi se ai duhet të thellohet e forcohet më tej, kryesisht në luftën kundër trafiqeve të paligjshme, lëndëve narkotike, qenieve njerëzore dhe emigracionit të paligjshëm. Kurse, ministri Xhafaj shprehu mirënjohje të thellë ndaj mbështetjes që qeveria italiane i ka dhënë Shqipërisë nëpërmjet misioneve të saj INTERFORZA, Guardia di Finanza dhe PAMECA, e cila edhe në misionin e saj të 5- të udhëhiqet nga përfaqësues të Policisë italiane. Ndërkaq, u vendos që të krijohej edhe një grup pune i përbashkët i dy ministrive për përgatitjen e disa marrëveshjeve të rëndësishme dypalëshe, si: marrëveshje në luftën kundër terrorizmit; marrëveshje në luftën kundër mbjelljes dhe trafikimit të lëndëve narkotike; marrëveshje në fushën e mbrojtjes së dëshmitarëve të drejtësisë; marrëveshje në fushën e turizmit ( kryesisht në menaxhimin e përbashkët të kontrollit kufitar), mar- rëveshje në fushën e migracionit të paligjshëm ( kryesisht të fëmijëve të mitur të pashoqëruar), si dhe binjakëzimin e Akademive të Sigurisë. Ministri Xhafaj zhvilloi një takim edhe me Prokurorin e Drejtorisë Kombëtare të Antimafias, Franco Roberti, ku u vlerësua bashkëpunimi i deritan- ishëm. Në takim u diskutua mbi reformën në drejtësi, si dhe u ra dakord për thellimin e marrëdhënieve të ndërsjella dypalëshe, kryesisht në drejtim të hetimeve të përbashkëta në luftën kundër trafikut të lëndëve narkotike dhe grupeve të strukturuara kriminale.