Sonila Qato firmos listën me 68 pronarët që marrin kompensimin
ATP, nis shpërndarja e 299 milionë lekëve për pronat e zëna nga ndërtimet pa leje Përfituesit do të kenë disponibël llogaritë e tyre bankare, vlerën në para
Agjencia e Trajtimit të Pronës ka përfundu ar shqyrtimin e kërkesave dhe do të nisë shpërndarjen e një fondi prej 299 milionë lekësh për pronarët që u është zënë toka nga ndërtimet pa leje. Procesi i shqyrtimit të kërkesave të pronarëve, pasuria e të cilëve është prekur nga ndërtimet informale dhe deri më tani përfitojnë kompensimin/ shpërblimin e saj ka përfunduar sot dhe është publikuar lista. Shpërblimi do të jetë deri në masën 70% të shumës së përgjithshme në të holla, të miratuar me vendimet përkatëse të Këshillit të Ministrave.
SHQYRTIMI
"Procesi i shqyrtimit të këtyre kërkesave dhe i shpërndarjes së fondit të kompensimit është bazuar në ligjin nr. 9482, datë 03.04.2006 "Për legalizimin, urbanizimin dhe integrimin e ndërtimeve pa leje", i ndryshuar, në Vendimin e Këshillit të Ministrave nr. 383, datë 19.05.2010 "Për përcaktimin e procedurave të shpërndarjes së fondit të kompensimit në vlerë për pronarët e pasurive të paluajtshme, pronë private, që preken nga ndërtimet informale", i ndryshuar, dhe në vendimet përkatëse të Këshillit të Ministrave, në të cilët është përcaktuar masa e shpërblimit për secilin pronar. Në përfundim të këtij procesi, për 68 ( gjashtëdhjetë e tetë) kërkesa, të depozituara në Agjencinë e Trajtimit të Pronës është shpërndarë kësti i parë, i dytë, i tretë, i katërt dhe i pestë ( në total 70% të vlerës totale të miratuar me VKM- të përkatëse), në shumën e përgjithshme prej 299 823 765.44 lekë. Të dhënat në lidhje me pasuritë që kompensohen dhe mbi gjeneralitetet e subjekteve përfitues jepen në listën që shoqëron këtë njoftim", thuhet në njoftimin e ATP- së. Agjencia e Trajtimit të Pronës njofton subjektet e interesuara se vlerat përkatëse për secilin përfitues do të jenë disponibël llogaritë e tyre bankare në ditët në vazhdim.
TOKAT
Gjithashtu, ATP fton të gjithë subjektet e interesuara, emrat e të cilëve janë miratuar me VKM Nr. 395, datë 03.05.2017 "Për kalimin e së drejtës së pronësisë për parcelat e objekteve të legalizuara dhe kompensimin financiar të pronarëve të pasurive të paluajtshme që preken prej tyre" të paraqiten pranë zyrave për dorëzimin e kërkesës për kompensim nga fondi i ALUIZNIt. "ATP ka ngritur grupin e punës, i cili do të kryejë pranimin dhe regjistrimin e kërkesave të subjekteve të interesuara. Të gjithë subjektet e interesuara mund të paraqiten në Agjencinë e Trajtimit të Pronave, me adresë Rruga "Muhamet Gjollesha", Nr. 54, Tiranë, pranë Fakultetit të Inxhinierisë së Ndërtimit, çdo ditë nga e hëna në të premte, ora 09: 00 - 12: 00. Të dhënat e subjekteve përfitues janë të evi- dentuara në listën që i bashkëlidhet VKM Nr. 395, datë 03.05.2017 "Për kalimin e së drejtës së pronësisë për parcelat e objekteve të legalizuara dhe kompensimin financiar të pronarëve të pasurive të paluajtshme që preken prej tyre", ku përcaktohet shpërblimi i pronarëve të pasurive të paluajtshme, pronë private, që preken nga ndërtimet informale të miratuara deri më tani", thuhet në njoftim.
Aplikuesit kanë detyrimin të paguajnë tarifën e shërbimit në vlerën prej 2 000 ( dymijë) lekë dhe, gjithashtu, të hapin në emër dhe për llogari të tyre, një llogari bankare në njërën nga bankat e nivelit të dytë. Subjekti apo përfaqësuesi i tij me prokurë duhet të paraqesë pranë ATP- së Tiranë dokumentacionin e nevojshëm.
DOKUMENTET
1. Kërkesën tip që i vihet në dispozicion nga grupi i punës pranë
ATP- së, të plotësuar sipas rubrikave; 2. Dëshminë e trashëgimisë për të gjithë trashëgimtarët e ligjshëm të subjektit përfitues, sipas radhës së trashëgimtarëve, në përputhje me përcaktimet e Kodit Civil. Për dëshmitë e trashëgimive të lëshuara nga gjykata për testamentin e bërë me akt noterial të sillet certifikatë familjare e personit për të cilin është lëshuar kjo dëshmi ( në rast se subjekti përfitues ka vdekur); 3. Prokurën e posaçme, të nënshkruar nga të gjithë subjektet që përfitojnë kompensim, ku si tagër i nevojshëm të jetë edhe e drejta për të tërhequr vlerën financiare, në emër të tyre. Në rastet kur nuk është e mundur të dorëzohet prokura e posaçme, secili bashkëpronar apo një pjesë e tyre, paraqesin kërkesë individuale apo të përbashkët, për pjesën takuese në pronën që kompensohet. Në rastin e kërkesave individuale të secilit bashkëpronar apo të një pjese të tyre, për çdo aplikim të kryer, paguhet tarifë shërbimi në vlerën 2 000 ( dymijë) lekë, pavarësisht se i përket të njëjtës pasuri të paluajtshme; 4. Vërtetimin origjinal të lëshuar nga një bankë e nivelit të dytë për
hapjen e llogarisë bankare dhe IBAN- in përkatës; 5. Fotokopjen e dokumentit të identifikimit; 6. Certifikatën familjare të kërkuesit/ aplikuesit; 7. Mandat pagesën për shumën 2 000 lekë për çdo aplikim të veçantë.