Legalizoi 5 objekte tregtare në Shirokë, arrestohet ish- kreu i ALUIZNI- t në Shkodër
Gjykata e qytetit i cakton masën e sigurisë "Arrest me burg", legalizimet u bënë me firmën e tij Ardian Dodani akuzohet për "Shpërdorim detyre"
Ish- drejtori i ALUIZNI- t të qytetit të Shkodrës ka përfunduar në pranga, pasi ndaj tij është vendosur masa e sigurisë "arrest me burg" duke u akuzuar se ka shpërdoruar detyrën. Masa e sigurisë ndaj Ardian Dodanit u caktua me kërkesë të prokurorisë së Shkodrës, si i dyshuar se ka konsumuar veprën penale të "Shpërdorimit të detyrës" në legalizimin e objekteve informale, kryesisht lokale dhe ambiente të tjera tregtare. Nga hetimet ka rezultuar se Dodani ka shkulur ligjin në të paktën 5 raste, ku janë legalizuar objekte tregtare, si bar- restorante pranë rrugëve kryesore ose në zonën turistike të Shirokës, në të cilën nuk lejohet legalizimi. Kështu, në zbatim të vendimit të gjykatës, i dyshuari u arrestuar mesditën e djeshme nga ana e forcave të policisë vendore të Shkodrës.
HETIMI I PROKURORISË
Nga hetimet e prokurorisë së Shkodrës ka rezultuar se në të paktën 5 raste, kryesisht të vitit 2015, ishdrejtori i ALUIZNI- t të qytetit, Ardian Dodani, dyshohet se ka shkelur kuadrin ligjor që rregullon procesin e legalizimit të objekteve informale. Në praktikat e legalizimeve, të cilat janë sekuestruar në kuadër të hetimit, prokuroria e Shkodrës ka evidentuar se, me firmën e Dodanit, janë legalizuar objekte tregtare ( barrestorante) pranë rrugëve kryesore ose në zonën turistike të Shirokës, në të cilën nuk lejohet legalizimi. Nga hetimi i prokurorisë së Shkodrës rezulton se ish- drejtori i ALUIZNI- t Shkodër, Ardian Dodani, ka nënshkruar praktikat për këto subjekte, ndërkohë që asnjë prej zyrtarëve të tjerë nuk ka nënshkruar dokumentet, sipas përgjegjësive të tyre ligjore dhe administrative. Në bazë të hetimeve të der- itanishme, prokuroria e Shkodrës ka krijuar dyshime të arsyeshme se shtetasi Ardian Dodani, gjatë kohës që ka ushtruar detyrën e drej- torit të Drejtorisë Rajonale të ALUIZNI- t Shkodër, ka konsumuar elementët e veprës penale të "Shpërdorimit të detyrës". Në këto kushte, Ardian Dodani u arrestua mesditën e djeshme nga ana e forcave të policisë vendore të Shkodrës, pasi ndaj tij, me kërkesë të prokurorisë, gjykata vendosi masën e sigurisë "arrest me burg". Dodani, gjatë kohës që ka ushtruar detyrën e drejtorit të Drejtorisë Rajonale të ALUIZNI- t Shkodër, ka konsumuar elementët e veprës penale të "Shpërdorimit të detyrës".
prokuroria kërkoi caktimin e masës së sigurisë "arrest në burg", e cila u pranua nga gjykata dhe u ekzekutua nga ana e forcave të policisë.