Rama: Me 71 mandate mbajmë vetë timonin
Kryeministri i përgjigjet LSI- së: Partitë kanë fiksimet e tyre, Kodin Zgjedhor nuk e prekim "Bashkëqeverisja me PD- në, deri më 25 qershor"
Në komunikimin e përjavshëm në "Fa cebook", kryeministri Edi Rama iu kundërpërgjigj zërave kritikë të marrëveshjes mes tij dhe kryedemokratit Lulzim Basha si një bashkëqeverisje në kurriz të popullit. Sipas tij, pas nënshkrimit të marrëveshjes kanë nisur teoritë e konspiracionit, ndërsa bëri të qartë se palët kanë vullnet për dialog institucional. "Gojët e mëdha s'kanë pushuar një sekondë duke hedhur baltë mbi marrëveshjen si një pazar bashkëqeverisje në kurriz të demokracisë, apo të partive të vogla, të cilat vetëm garante të drejtësisë as kanë qenë ndonjëherë, as mund të jenë dot për vetë peshën e tyre. Ka vetëm një bashkëqeverisje në këtë marrëveshje, për zgjedhje, për të siguruar një ' fair play' si asnjëherë më parë", - theksoi z. Rama. Sipas Ramës, ministrat teknikë që po përfshihen në një qeveri politike është një premisë e shkëlqyer për t'i dhënë fund kontestimit të zgjedhjeve. Ai bëri të qartë se marrëveshja shkon përtej këtij fakti. "Hendeku ishte vërtet shumë i madh për t'u kapërcyer në momentin e fundit. Se si u arrit kjo marrëveshje, është një histori më vete. Ajo që ka rëndësi është se kjo marrëveshje është një rast kur një krizë kthehet në një vullnet të mirë. Katundi mediatik është fokusuar vetëm në emrat e ndryshimeve dhe në faktin pse nuk u hapën afatet e koalicioneve", - thek- soi z. Rama. Kryeministri përmendi se përfshirja e PDsë në qeverisje synon vajtjen së bashku në procesion e çeljes së negociatave për anëtarësimin në Bashkimin Evropian. "Marrëveshja përcakton detyrimin e ndërsjellë të palëve pa pritur që miqtë e huaj të bëjnë shkesin për muaj të tërë për të na ulur në një tryezë. Përpara se të shihemi sy më sy, nuk kemi pse të flasim në anglisht. Kryetari i qeverisë dhe ai i opozitës do të takohen pas zgjedhjeve të 25 qershorit për mirëkoordinimin e punës në mbrojtje të interesave të shqiptarëve dhe për anëtarësimin në BE", - deklaroi kryeministri. Sipas tij, zërat për pazare në kurriz të partive të vogla janë llogje. Duke iu përgjigjur indirekt pretendimeve dhe frikës së LSI- së se marrëveshja "Rama- Basha" mund të jetë në dëm të saj, kryeministri tha: "Partitë e vogla, vetëm garante të demokracisë nuk mund dhe nuk kanë qenë. Kjo për shkak të peshës së tyre. Në këtë marrëveshje ka vetëm një bashkëqeverisje. Kjo është bashkëqeverisja e zgjedhjeve për të siguruar një garë të ndershme". Sa i përket moshapjes së regjistrimit të koalicioneve si pjesë e marrëveshjes, Rama tha se nuk kishte arsye për të hapur lojërat e partive nga e para sa në skenë, e sa në prapaskenë. "Të gjitha partitë kanë qëllimet e tyre, interesat e tyre, ankesat dhe fiksimet e tyre, që kthehen në një volum shurdhues sapo nisin zgjedhjet. Ndaj jemi marrë vesh të mos e prekim Kodin Zgjedhor, por të angazhohemi pas zgjedhjeve në një reformë të re që do të realizojë të gjitha meraqet e vjetra e të reja të partive", - theksoi z. Rama. Kryeministri i vendit, në komunikimin javor me ndjekësit e tij në "Facebook" ripërsëriti deklaratën për sigurimin e 71 mandateve pas zgjedhjeve të 25 qershorit. Ai thumboi sërish LSI- në, kur tha se më shumë se 71 mandate, PS- së i duhen për ta mbajtur vetë timonin e reformave. "Na duhen të paktën 71 mandate për të vazhduar që ta mbajmë ne timonin e reformave shtetbërëse, që me të njëjtën formë që luftuam për vetingun, të luftojmë për ekonominë", - theksoi kreu i qeverisë.
"Na duhen të paktën 71 mandate për të vazhduar që ta mbajmë ne timonin e reformave shtetbërëse, që me të njëjtën formë që luftuam për vetingun, të luftojmë për ekonominë", - theksoi kreu i qeverisë.