Kodi Zgjedhor, shitblerja e votës dënohet me 5 vite burg
PD kërkoi 7 vite dënim, Patozi pyet Bashën: Po deputetët që shesin mandatin, sa do dënohen? Miratimi, merr 123 vota pro, hyn në fuqi menjëherë
Kuvendi miratoi mbrëmë, pas disa orë diskutimesh, të gjitha pikat e marrëveshjes mes kryeministrit Edi Rama dhe kreut të PD- së, Lulzim Basha, për futjen e opozitës në zgjedhje. Me 123 vota pro, Kuvendi miratoi ndryshimet në Kodin Penal, dhe me 118 vota pro ndryshimet në Kodin Zgjedhor, të cilat rrisin dukshëm dënimet për shitblerjen e votës nga 105 vjet. Në të njëjtën kohë, me 118 vota pro u miratuan ndryshimet në ligjin e mediave audio- vizive. Konkretisht, pas marrëveshjes së 18 majit mes kryedemokratit Lulzim Basha dhe kryeministrit Edi Rama për t'i dhënë fund krizës politike, PS dhe PD po përgatisin një projektligj, si pjesë e paktit mes tyre, ku detyrohen televizionet private të transmetojnë reklama falas për partitë politike gjatë fushatës elektorale. Sipas marrëveshjes mes PS dhe PD, televizionet private duhet të transmetojnë 90 minuta reklama falas për partitë e mëdha dhe 10 minuta reklama falas për partitë e vogla.
PROPOZIMET
Pas caktimit të 6 emrave të ministrave teknikë dhe zëvendëskryeministrit, si pjesë e marrëveshjes së 18 majit, Partia Demokratike mblodhi dje grupin parlamentar. Lulzim Basha bëri një përmbledhje të rezultatit të marrëveshjes politike të 18 majit, ndërsa është diskutuar për ndryshimet që janë bërë në Kodin Penal, në Ligjin e Medias dhe në Ligjin e Financimit të Partive. Gjithashtu kreu i PD- së, Basha u ndal në pikat kryesore që kanë të bëjnë me garantimin e votës së lirë. Shitblerja e votës do të dënohet në mënyrë taksative nga 1 deri në 7 vite burg. Nuk do të ketë masa ndëshkimore si gjoba, por vetëm burg, për ata që do të tentojnë tjetërsimin e vullnetit të lirë të votuesve shqiptarë. Kjo vepër penale, do të jetë e paamnistueshme. Do të dënohet nga 1 deri në 7 vite burg marrësi dhe dhënësi i kartave të identitetit. Shpërdorimi i autoritetit policor për të influencuar në mbështetjen e një partie politike do jetë vepër penale dhe do të dënohet deri në 5 vjet burgim. Përdorimi i mjeteve publike, veprimtarisë shtetërore apo i burimeve financiare ose njerëzore, për zgjedhje, do dënohet vetëm me burgim, nga 1 deri në 4 vjet. Ashpërsim të dënimeve për të gjitha veprat e tjera penale në fushën e zgjedhjeve, duke i parashikuar të gjitha si krime. Gjithashtu, do të forcohen rregullat për të mbikëqyrur financimin e partive dhe ndalimin e financimeve të paligjshme. Të gjitha këto masa dhe ndërhyrje, bëhen për të garantuar qytetarët shqiptarë nga presionet dhe shitblerja e votës, dhe garë të ndershme për partitë politike në fushatën zgjedhore. Këto ndryshime, së bashku me ministrat teknikë, kreun e ri të KQZ dhe Avokatin e Popullit, rezultat i marrëveshjes politike të 18 majit, u miratuan dje në seancën e pasdites në Kuvend.
MBLEDHJA
Në mbledhjen e grupit parlamentar demokrat të zhvilluar paraditen e djeshme, ku kreu i PD- së Lulzim Basha prezantoi ndryshimet që PD- ja propozoi për rritjen e penaliteteve për ata që ten-
Shitblerja e votës do të dënohet në mënyrë taksative nga 1 deri në 7 vite burg. Nuk do të ketë masa ndëshkimore si gjoba, por vetëm burg, për ata që do të tentojnë tjetërsimin e vullnetit të lirë të votuesve shqiptarë. Kjo vepër penale do të jetë e paamnistueshme.
Do të dënohet nga 1 deri në 5 vite burg marrësi dhe dhënësi i kartave të identitetit.
Shpërdorimi i autoritetit policor për të influencuar në mbështetjen e një partie politike do jetë vepër penale dhe do të dënohet deri në 5 vjet burgim.
Përdorimi i mjeteve publike, veprimtarisë shtetërore apo i burimeve financiare ose njerëzore, për zgjedhje, do dënohet vetëm me burgim, nga 1 deri në 4 vjet.
Ashpërsim të dënimeve për të gjitha veprat e tjera penale në fushën e zgjedhjeve, duke i parashikuar të gjitha si krime.
Do të forcohen rregullat për të mbikëqyrur financimin e partive dhe ndalimin e financimeve të paligjshme.
Të gjitha këto masa dhe ndërhyrje, bëhen për të garantuar qytetarët shqiptarë nga presionet dhe shitblerja e votës dhe garë të ndershme për partitë politike në fushatën zgjedhore.
tojnë të shesin apo blejnë votën, nuk ka munguar as një batutë e Astrit Patozit. Burime brenda mbledhjes bëjnë me dije se gjatë kohës kur kreu i PD- së, Basha ka shpjeguar ndryshimet, është ndërprerë nga deputeti demokrat Astrit Patozi, i cili ka pyetur Bashën: "Kryetar, dëgjova që një qytetar që tenton të shesë apo të blejë votën
dënohet nga 1 deri në 7 vite burg. Dua të di sa dënohet një deputet që vendos të shesë mandatin dhe të kalojë me një forcë tjetër politike i cili ka marrë me mijëra vota? E them këtë, se me këtë logjikë duhej të dënohej me burgim të përjetshëm. Meqë ne dënimin me vdekje nuk e kemi", - është shprehur duke qeshur, deputeti i PD- së Astrit Patozi.