Halimi: Ballanca në krah të Ramës, kundër Olldashit
Mbrojti Berishën në gjyq? Reagon ish- ministri
zgjodhi dje kreu e ri të Avokatit të popullit, por ish- ministri i Drejtësisë, Eduart Halimi risolli në kujtesë nëpërmjet një postimi në "FB" kohën e komisionit hetimor "Olldashi kundër Ramës", i cili kishte marrë atëherë avokate Erinda Ballancën. "Erindën e kam njohur në gjykatë si kolege kundërshtare; unë avokat i Olldashit dhe ajo e Edi Ramës, kur Olldashi e akuzonte për koncertin e Pezës. Olldashi e fitoi gjyqin pak para zgjedhjeve të 2005- ës, por unë kujtoj se Erinda ishte një avokate profesioniste ashtu si kolegia e saj Evelina Qirjako, e cila përfaqësonte Nanon dhe qeverinë në atë kohë. Deri në 2005- ën unë isha avokat dhe ndër të tjerë për- faqësoja eksponentë të PD- së në gjykata, ndërsa Evelina dhe Erinda eksponentë në PS. Unë iu bashkova politikës, Evelina shkoi në Gjykatë të Lartë me votat e PD- së, ndërsa Erinda qëndroi si avokate, duke bërë zgjedhjen e saj gjatë 12 vjetëve. Çdo njeri racional e di se kur sëmuret kërkon mjekun më të mirë, pa e parë se cilin ka mjekuar para tij, të majtë apo të djathtë, dhe njëlloj mendon edhe kur duhet të shkojë në gjyq, zgjedh avokatin që mendon se është më i miri. Ndaj për këtë arsye mendoj se Edi Rama ka zgjedhur atëherë Erindën si avokate. Erindën nuk e kam parë ndonjëherë të hyjë në PD, por ky është tregues për lartësinë e propozimit për të. Lulzim Basha mund të kishte bërë një konkurs- fasadë, si ai para 5 viteve që bëri Edi Rama, ku të kishte zgjedhur? dikë tjetër, ndonjë militant, pasi pa as më të voglin dyshim ka shumë profesionistë që janë militantë të PDsë. Por zgjodhi Erindën si një avokate profesioniste, civiliste e shkëlqyer, për të cilën jam i bindur se edhe opozita e nesërme do gjejë avokaten e saj, ndaj sot kot janë mërzitur mediat pranë PS- së", shkruan z. Halimi.