Feja dhe diplomacia: Përgjegjësia e feve për paqen

edhe nga ministri të tjera europiane.

SHKËMBIM STRUKTUROR

Konferenca e tanishme nuk është "një zgjerim, por një përpjekje e re", thuhet në Ministrinë e Jashtme. Bëhet fjalë për partneritete dhe projekte në hapësirën shoqërorecivile, atë para politike, për herë të parë për një shkëmbim të strukturuar me aktorët fetarë. Sociologia e Universitetit të Heidelbergut, Ines- Jacqueline Werkner, që trajton temat e politikës ndërkombëtare dhe studimet e paqes, kujton në këtë kontekst edhe "Marrëveshjen e Lisbonës" së BE. BE- ja angazhohet aty për një dialog të hapur, transparent e të rregullt me kulturat - edhe kjo tregon vlerë- simin për aktorët jopolitikë. Studiuesit e politikës ka kohë që e kërkojnë këtë.

"Në opinionin publik, - thotë Werkner për "Deutsche Welle", - kjo temë perceptohet shumë pak", për shkak të fesë si arsye e konflikteve. Por përgjegjësia për paqen e feve, luan një rol të rëndësishëm për diplomatët". "Sidomos në rajonet e konfliktit, aktorët fetarë janë personat e vetëm që gëzojnë reputacion në shoqëri të tilla, - thotë ajo. - Ata e njohin gjendjen dhe kanë lidhje me popullsinë lokale".

Konferenca që hap dyert të dielën në mbrëmje ofron edhe shembuj pozitivë. Mes të ftuarve ndodhet edhe Mauro Garofalo, që në komunitetin katolik "Sant Egidio" është përgjegjës për marrëdhëniet ndërkombëtare. Në vitin 1992, aktorët e fesë, jashtë politikës arritën në Mozambik atë që nuk e arriti dot diplomacia botërore. Pas 16 vitesh luftë me mbi 1 milion viktima, ata ndërmjetësuan një marrëveshje të paqes mes palëve në luftën qytetare.

TEATËR E DIPLOMACI

Jo më kot Ministria e Jashtme ka ftuar edhe përfaqësues komunalë nga fetë e ndryshme. Nga Sarajeva, dikur multifetare, e që dëshiron të ruajë diçka nga një traditë e tillë, ka ardhur myftiu i madh i Bosnjë dhe Hercegovinës dhe presidenti i komunitetit hebraik të vendit. Nga Guinea, arqipeshkvi i Conakry- t dhe Imami i madh. Ministria e Jashtme në Berlin kërkon të mbështesë edhe më shumë fushën e kulturës. Kjo ministri dhe Teatri Gorki në Berlin filluan projektin "Korrespondenca nga Berlini", në vitin 2016, një seri debatesh për rendin e ri botëror dhe problemet që e shoqërojnë. Steinmeier, atëherë ministër i Jashtëm, në fjalimin e tij bëri fjalë për ato forca "që kanë ndikim në lëvizjet e mëdha tektonike të modeleve e përfytyrimeve tona për rendin botëror". Steinmeier kërkoi angazhim "për një punë të vështirë për një rend të përbashkët". Një vit më vonë, ministri i Jashtëm, Sigmar Gabriel vazhdon në skenën botërore atë që Steinmeier në Teatrin Gorki e përmendi si laborator përpjekjesh.