Llalla: Grushti i shtetit në Turqi, hetimet shtrihen në vendin tonë
Kryeprokurori: Hoqëm nga lista deputetët e inkriminuar Dyshime se autorët qëndrojnë pas bizneseve
Personat e përfshirë në grushtin e shtetit kundër Erdoganit në vitin e shkuar në Turqi, mund të fshihen edhe në Shqipëri". Kështu deklaroi dje kryeprokurori Adriatik Llalla, duke theksuar se institucioni që ai drejton ka nisur hetimet, pas shqetësimeve të ngritura nga Turqia, si dhe po verifikohet çdo informacion i sjellë nga autoritetet e këtij vendi. Sipas tij, hetimi pritet të përfshijë edhe bizneset turke me aktivitet në Shqipëri, pasi ka dyshime se puçistët fshihen pas tyre. "Prokuroria turke kërkoi bashkëpunime të mëtejshme me strukturat e prokurorisë shqiptare për hetime në rastet që ata dyshojnë se elementë të përfshirë në këtë grusht shteti mund të fshihen edhe në Shqipëri. Dyshimet e autoriteteve turke janë se autorë të këtij grushti shteti të organizuar në Turqi mund të jenë edhe persona që fshihen pas bizneseve", - tha Llalla. Numri 1 i organit të akuzës theksoi se autoritetet turke kanë sjellë informacione të plota rreth të dyshuarve, por refuzoi të jepte të dhëna, duke i konsideruar ato sekret hetimor. Këtë deklaratë, Llalla e bëri dje për mediat, vetëm pak ditë pas takimit që pati me Prokurorin e Përgjithshëm të Republikës së Turqisë, Mehmet Akarca. Ishte ky i fundit që i kërkoi Llallës bashkëpunim mes autoriteteve për hetimin e ngjarjeve që ndodhën në Turqi në korrikun e vitit të shkuar. Ndërkaq, deklarata e kryeprokurorit erdhi pas konferencës ndërkombëtare me temë "Qasjet e reja hetimore ndaj organizatave kriminale që përdorin internetin", e cila solli për herë të parë në Tiranë kryeprokurorët e rajonit dhe më gjerë.
DEKRIMINALIZIMI
Kryeprokurori Llalla tha dje, se në listën paraprake të kandidatëve për deputetë të Partisë Socialiste kishte persona me rekorde kriminale. Duke refuzuar të jepte emra konkretë, Llalla theksoi se të inkriminuarit tashmë janë jashtë gare. Ai tha vetëm se, "vetë kryeministri i vendit tonë kërkoi verifikim për kandidatët, ku 2% e tyre rezultuan në konflikt me ligjin". "Rama na e solli paraprakisht listën, dhe ne konstatuam që disa persona prekeshin nga ligji i dekriminalizimit. Këta individë, kemi konstatuar se nuk janë përfshirë në listën përfundimtare të kandidatëve", - tha kryeprokurori. Ai shtoi më tej, se nuk ka pasur asnjë kërkesë nga Ko- misioni Qendror i Zgjedhjeve për verifikimin e kandidatëve për deputetë,
HEQJA E KANDIDATËVE
"Rama na e solli paraprakisht listën, dhe ne konstatuam që disa persona prekeshin nga ligji i dekriminalizimit. Këta individë, kemi konstatuar se nuk janë përfshirë në listën përfundimtare të kandidatëve", - tha dje, kryeprokurori Adriatik Llalla. Ai theksoi se nuk ka pasur asnjë kërkesë nga KQZja për verifikimin e kandidatëve për deputetë, nëse preken ose jo nga ligji i dekriminalizimit. nëse preken ose jo nga ligji i dekriminalizimit. Megjithatë, ai theksoi se prokuroria, sipas detyrimeve ligjore, është duke hetuar rreth kandidatëve Prokurori i Përgjithshëm, Adriatik Llalla mori pjesë dje në zhvillimin e një konference ndërkombëtare me temë "Qasjet e reja hetimore ndaj organizatave kriminale që përdorin internetin", e cila solli për herë të parë në Tiranë kryeprokurorët e rajonit dhe më gjerë. të secilit subjekt politik që pritet të garojë në zgjedhjet e 25 qershorit.