Nisin hetimet për rrit en e tarifave të telefonisë celulare
Tri kompani nën hetim, rrezikojnë gjobë 5 për qind mbi xhiron AK: Hetim për tregun me parapagesë
Autoriteti i Konkur rencës, me një ven dim të fundit të datës 23 maj, ka vendosur "Hapjen e procedurës së hetimit paraprak në tregun me pakicë të shërbimeve celulare". Nën hetim do të jetë gjithë tregu i telefonisë celulare. Hetimi u hap, nisur nga ankesat e depozituara pranë Autoritetit të Konkurrencës nga qendra "Konsumatori Shqiptar", si dhe 3 ankimues, me objekt "Hetimi i tregut të telefonisë celulare në lidhje me shfaqjen e praktikave të koordinuara dhe abuzimin me pozitën dominuese" për planet tarifore që ofrojnë për publikun e telefonisë celulare. Sipas ligjit të konkurrencës, kompanitë rrezikojnë gjobë deri në 5% të xhiros vjetore të vitit pararendës. Sekretariati, në zbatim të nenit 28, të ligjit nr. 9121, datë 28.07.2003, "Për Mbrojtjen e Konkurrencës", i ndryshuar, ka monitoruar tregun e shërbimit të telefonisë celulare. "Nga monitorimi ka rezultuar se disa nga ndërmarrjet që ofrojnë shërbimet në këtë treg kanë ndryshuar paketat për klientët me parapagim. Gjithashtu, bazuar në të dhënat e rregullatorit AKEP, rezulton se tregu i telefonisë celulare ka strukturën e një tregu oligopolistik me një operator me pozitë dominuese në tregun përkatës të shërbimeve celulare me pakicë, si dhe dy ndërmarrje të tjera me qëndrueshmëri të pjesëve të tregut. Të tria ndërmarrjet zotërojnë bashkërisht rreth 95% në tregun me pakicë të shërbimeve celulare dhe sipas parashikimeve të nenit 9, të ligjit nr. 9121/ 2003, ekziston mundësia edhe për të abuzuar me pozitën dominuese në treg. Për këto arsye, Autoriteti i Konkurrencës ka vendosur ' Hapjen e procedurës së hetimit paraprak në tregun me pakicë të shërbimeve celulare' për të hetuar nëse ka apo jo shenja të kufizimit të konkurrencës. Periudha e Hetimit Paraprak do të jetë 1 janari 2016 deri në 23 maj 2017", përfundon njoftimi i Autoritetit të Konkurrencës.
VENDIMI
"Tregu përkatës i produktit është tregu me pakicë i shërbimeve celulare dhe analiza e konkurrencës ësh- të fokusuar në sjelljen ndaj çmimit të ofertave, sipas ndërmarrjeve në tregun përkatës. Tregu celular me pakicë përfshin si shërbimet tradicionale të telefonisë dhe mesazheve SMS, edhe ato të aksesit broadband në internet nga rrjete celulare. Gjithsesi analiza fokusohet edhe në segmente të veçanta të përdoruesve/ shërbimeve Referuar informacionit të mbledhur gjatë monitorimit, rezulton se tri shoqëri kanë ndryshuar paketat standarde në periudhën 27 mars 2017- 4 prill 2017, në një sjellje të mundshme të koordinuar, që mund të përbëjë një marrëveshje të ndaluar.
si ato me kontratë dhe parapagim. Sipas statistikave të rregullatorit AKEP, klientët me parapagim përbëjnë rreth 90% të numrit të klientëve të ndërmarrjeve
celulare", - thuhet në raportin e AK. Sipas raportit, referuar informacionit të mbledhur gjatë monitorimit, rezulton se tri shoqëri kanë ndryshuar paketat
standarde në periudhën 27 mars 2017- 4 prill 2017 në një sjellje të mundshme të koordinuar mund të përbëjë një marrëveshje të ndaluar. Gjithashtu, bazuar në të dhënat e rregullatorit AKEP, rezulton se tregu i telefonisë celulare ka strukturën e një tregu oligopolistik me një operator me pozitë dominuese në tregun përkatës të shërbimeve celulare me pakicë, si dhe dy ndërmarrje të tjera me qëndrueshmëri të pjesëve të tregut. Të tria ndërmarrjet zotërojnë bashkërisht rreth 95% në tregun me pakicë të shërbimeve celulare dhe sipas parashikimeve të nenit 9 të ligjit nr. 9121/ 2003, ekziston mundësia edhe për të abuzuar me pozitën dominuese në treg.