Vriten në atentat kreu i OSHEE- së dhe pronari i TV "Vlora Chanel"
Shënjestër e autorëve, biznesmeni Hyseni, i afërm i viktimës së masakrës së Çoles Roland Saliu e Erven Hyseni u qëlluan me kallash në lokal
ar plumbave. Ndërkohë, forca të shumta policore kanë shkuar në vendngjarje ( janë gjetur 12 gëzhoja plumbash) dhe kanë nisur hetimet. Pas kryerjes së vepri- meve hetimore paraprake, blutë pohuan se dyshohet që shënjestër e atentatit ka qenë pronari i televizionit lokal, "Vlora Channel", kurse drejtori i OSHEE ka mbetur i vrarë aksidentalisht. Ndërkaq, ende nuk dihet motivi i vrasjes së dyfishtë.
ATENTATI
Mbrëmë rreth orës 19: 30, persona të panjohur kanë qëlluar me kallashnikov nga një makinë në lëvizje në drejtim të lokalit "Bar Vlora". Në momentin që atentatorët kanë mbërritur me automjetin e tyre tek "Sheshi i Flamurit", pronari i televizionit lokal "Vlora Channel", Erven Hyseni dhe kreu i OSHEE- së, Roland Saliu kanë qenë në të njëjtin ambient duke pirë kafe. Mësohet se Saliu, sapo ishte kthyer nga një takim elektoral dhe si duket kishte vendosur të konsumonte një kafe buzë detit. Pas krimit, ekzekutorët janë larguar me shpejtësi nga vendi i ngjarjes. Ata e kanë braktisur dhe djegur automjetin e tyre në fshatin Panaja të Vlorës dhe më pas janë larguar në drejtim të paditur.
HETIMET
Vrasja e dyfishtë ka alarmuar policinë e Vlorës, e cila ka "blinduar" qytetin, duke ngritur postblloqe të shumta në të gjitha rrugët
e tij. Pavarësisht hetimeve, nuk është bërë i mundur identifikimi dhe vënia në pranga e autorëve të krimit. Burime pranë grupit hetimor pohuan se po hetohet në disa pista për zbardhjen e ngjarjes. Paraprakisht, dyshohet se shënjestër e atentatit ka qenë biznesmeni Erven Hyseni, i afërm i Akil Rakipit, njërit prej viktimave të masakrës së Çoles, që ndodhi në prill të vitit
2015. Burime pranë grupit hetimor pohuan se po hetohet në disa pista për zbardhjen e ngjarjes. Por, nuk përjashtohet mundësia që atentati të ketë ndodhur për shkak të detyrës së Roland Saliut, i cili mbante postin e drejtorit të OSHEEsë që prej dy vitesh. Policia dhe prokuroria e Vlorës po hetojnë intensivisht për zbardhjen e plotë të ngjarjes.