Marrëveshje me interes kombëtar

partive të mëdha të vendit për zgjedhje të lira dhe të ndershme, ndërsa vendi mund të shkiste në anarki apo mosbindje civile, mendoj se ishte e rëndësishme për demokracinë, sundimin e ligjit, paqen sociale, si dhe për të drejtat themelore të njeriut. Kritikët e kësaj marrëveshjeje, duhet ta dinë që zgjedhjet të zhvillohen në kushte sigurie dhe qetësie për të gjithë, në respekt të Kushtetutës dhe Kodit Zgjedhor, pasi vetëm nëpërmjet garancisë që të jep ligji mund të sigurohet rotacioni që vjen pas zgjedhjeve të ndershme dhe të lira, apo edhe të konfirmohet ai. Kjo është një kërkesë e rëndësishme për dhe skepticizmit të këtyre ditëve, angazhimi i Ramës si kryeministër dhe Bashës si kryetar i opozitës për krijimin e disa garancive demokratike për zhvillimin normal të këtyre zgjedhjeve, vijnë në përputhje me parimet e demokracisë së përgjegjshme, të një vendi që pretendon të hapë negociatat me BEnë si dhe të mbajë të padëmtuar miqësinë me Shtetet e Bashkuara të Amerikës dhe Bashkimin Europian. Çdo marrëveshje politike që vjen në rrugën e një interesi të qartë kombëtar, apo që i kontribuon pajtimit politik të vendit, është e mirëpritur nga shoqëria shqiptare. Ajo është dhe inkurajuese për qytetarët shqiptarë. Unë mendoj se marrëveshja e arritur, pas një konflikti të gjatë dhe në dukje të pambarimtë, është një përparim i demokracisë shqiptare, dhe në rast se ruhen parametrat e një fushate të bazuar te programet dhe argumentet zhvillimore, ka të ngjarë të ketë një efekt pozitiv në jetën politike shqiptare, ku shpesh konfliktualiteti artificial e ka penguar vendin të ecë përpara.

Miratimi i shpejtë i vendimeve të kësaj marrëveshjeje dhe po kështu edhe implementimi i saj, besoj se do të kontribuojë në zhvillimin e zgjedhjeve të ndershme. Pjesëmarrja e opozitës së djathtë në qeveri nuk e ndryshon aspak rolin e saj oponent ndaj ekzekutivit të majtë, ajo thjesht kryen monitorimin e institucioneve në respektimin e Kushtetutës dhe të Kodit Zgjedhor, bën kontrollin e rolit të shumicës në garantimin e disa kushteve ligjore të cilat duhet të pranohen dhe të respektohen nga të gjithë lojtarët e politikë. Të tjerat janë spekulime dashakeqe. Është e qartë se frika e opozitës për manipulimin e zgjedhjeve me përdorimin e administratës, të agjencive shtetërore dhe burimeve financiare të paligjshme nga qeveria, çoi në krijimin e disa garancive dhe rregullave të veçanta për funksionimin e duhur të institucioneve publike, sidomos gjatë zgjedhjeve. Shpresoj që garantimi i zgjedhjeve të lira, të ndershme dhe transparente, do të jetë një tjetër hap i rëndësishëm për të garantuar një të ardhme më të mirë për fëmijët, gratë dhe burrat e këtij vendi.