Rama takon Trump, kongresmeni: Lidership në zgjidhjen e krizës
Kryeministri shqiptar, krah më krah me kancelaren Merkel në samitin e NATO- s Biseda me Tsipras: Të largohen retorikat konfliktuale
Kryeministri Edi Rama u takua dje me Presidentin amerikan, Donald Trump, gjatë punimeve me dyer të mbyllura të samitit të NATOs në Bruksel. Në një takim të shkurtër, siç konfirmohet edhe nga Kryeministria, mësohet se biseda është përqendruar në aleancën strategjike mes Shqipërisë dhe Shteteve të Bashkuara, Reformës në Drejtësi dhe luftës së përbashkët kundër ekstremizmit të dhunshëm. Këtë takim e konfirmon edhe kongresmeni republikan i Floridës, Matt Gaetz, me anë të një letre. Ai thotë se është i lumtur për takimin mes tyre. Kongresmeni ishte në delegacionin e para një muaji që vizitoi Tiranën, e thotë se përgëzon kryeministrin për reformat. Kongresmeni republikan i Floridës, Matt Gaetz, i cili ishte në vizitë në Tiranë para një muaji shprehet në një letër: "Jam i lumtur për takimin midis Presidentit Trump dhe Kryeministrit të Shqipërisë, Edi Rama. SHBA- të kanë gjetur një aleat të rëndësishëm te Shqipëria në luftën kundër ISIS. Pas vizitës në Shqipëri muajin e kaluar, përgëzova kryeministrin Rama për reformat që qeveria e tij kishte ndërmarrë". "Reforma në drejtësi dhe forcimi i sundimit të ligjit mbeten arritjet kryesore të qeverisë ' Rama', sepse kjo ndihmon popullin shqiptar dhe rajonin si një e tërë. Kryeministri Rama ka treguar një lidership të vërtetë në zgjidhjen e krizës politike në Shqipëri dhe duke afruar Shqipërinë më afër Bashkimit Europian", shkruan republikani në deklaratë. Ndërkohë po dje, në kuadër të Samitit të NATO- s në Bruksel, kryeministri Edi Rama pati një takim me homologun grek, Alexis Tsipras. Në takim morën pjesë edhe dy ministrat e Jashtëm, Bushati dhe Kotzias. Kryeministrat diskutuan mbi ecurinë e marrëdhënieve dypalëshe dhe "Nuk jam më unë që duhet t'i garantoj zgjedhjet. Tani të gjithë së bashku duhet të bëjmë çmos që zgjedhjet të jenë vërtet një vijë ndarëse mes së shkuarës dhe së ardhmes. Ajo që unë kam bërë e jam shumë krenar, ajo që PS ka bërë, duke qenë një forcë udhëheqëse në qeveri, është që i kemi dhënë mundësinë opozitës që të ketë sytë brenda qeverisë", tha dje Rama.