Ruli: Nuk do jem në listën e kandidatëve të PD
Ish- ministri i Berishës tërhiqet nga politika
Katër
herë ministër dhe pesë herë deputet në Kuvendin e Shqipërisë me Partinë Demokratike, Genc Ruli duket se i mbyll me kaq hesapet me politikën. Vendimin ai ia ka komunikuar ditët e fundit edhe kryetarit të PD- së, Lulzim Basha. Kështu, emri i Rulit pritet të mos jetë as në listën e kandidatëve për deputetë të PD. "I kam komunikuar kryetarit të Partisë Demokratike, se nuk do të kandidoj më për deputet dhe tërhiqem nga politika", tha z. Ruli. Kështu, emri i Rulit pritet të mos jetë as në listat e kandidatëve për deputetë. Shkak për vendimin, sipas Rulit është për t'u lënë hapësirë të rinjve, pasi për të, politika ka nevojë për figura të reja. "E kam thënë edhe më herët që nuk do të kandidoj, largohem nga Kuvendi, t'u lëmë hapësirë të rinjve. Politika shqiptare ka nevojë për figura të reja", është shprehur Ruli. Një muaj më parë, i ftuar në "Këndi ne Ekselencës" në emisionin "Vila 24" në "News 24", Ruli deklaroi se nuk e kishte ndarë mendjen nëse do vazhdonte karrierën politike apo do të tërhiqej përfundimisht. Genc Ruli, një nga themeluesit e Partisë Demokra- tike, u rikthye në PD në vitin 2005, pas një kohe të gjatë jashtë politikës. Ne tri legjislaturat e fundit, ai ishte deputet i Gjirokastrës, ku fillimisht u zgjodh në maxhoritar dhe më pas në dy legjislatura kryesonte listën në këtë qark. Së fundmi, ai ishte angazhuar në Njësinë nr. 5 në Tiranë. Dy vjet më parë, Ruli i dërgoi një tjetër letër Bashës, ku i bënte të ditur se tërhiqej nga pozicioni i nënkryetarit të Komisionit Parlamentar të Veprimtarive Prodhuese, por më pas u rikthye.