Sportisti me 50 medalje: S'më japin lekët e akorduara për arritjet e mia
18- vjeçari: Bashkia e Tiranës s'më jep asnjë motivacion, kam nderuar flamurin shqiptar Bekim Basha: Kam 200 mijë lekë për të marrë
jve në 2013, që u zhvillua në Spanjë, dhe Kupa e Botës për të Rinj në 2016, që u zhvillua në Umag të Kroacisë. Këto të dyja, pasi e para është eventi im i parë i nivelit elitar, ndërsa e dyta pasi kam arritur rezultatin më të mirë deri më tani në karrierë.
Çfarë çmimesh ke fituar?
Kam arritur dy herë, një herë vendi i 5- të dhe një herë vendi i 7- të në Ballkan. Dy herë kam qenë në 10 më të mirët e Europës, një herë vendi i 9- të ndërsa një herë vendi i 5- të. Po ashtu, kam fituar medaljen e argjendit në Kupën e Botës për të Rinj. Kam marrë mbi 50 medalje kombëtare dhe ndërkombëtare.
Një vendim i Këshillit Bashkiak i para 2 viteve të akordoi një shumë prej 200 mijë lekësh. Me çfarë motivacioni?
Motivacioni ka qenë fitimi i dy medaljeve të argjendta në botërorin e Shotokanit që u zhvillua në Prishtinë. A i ke marrë këto para? Paratë po bëhen 2 vite që janë kudo, vetëm te unë jo... Pse nuk i ke marrë ende? Ndoshta për arsye teknike ose për paaftësi të personelit të institucionit përkatës. Habitem se si ka fonde për të ndërtuar qendra rekreative sportive ose kulturore që kushtojnë qindra- mijëra euro, dhe nuk paska disa miliona lekë të vjetra, të cilat më takojnë me ligj për të m'u dhënë.
Çfarë përgjigjeje ke marrë nga bashkia?
Përgjigjja e vetme që kam marrë është kjo: Në lidhje me kërkesën e parashtruar nga ana e sportistit, po ju përcjellim bashkëlidhur kësaj shkrese kopje të shkresës me nr. prot. S- 5813/ 4, M- 69082, datë 04.05.2016, të Drejtorisë së Përgjithshme të Menaxhimit Financiar, ku shpjegohen arsyet e pamundësisë së ekzekutimit të vendimeve të Këshillit Bashkiak për shpërblimin e sportistëve. Por, bashkëngjitur nuk ka pasur asnjë motivacion, sikurse më thuhet në përgjigjen e bashkisë. Çfarë apeli ke? Apeli im i vetëm është që paratë e sipërpërmendura nuk janë as 1/ 10 e harxhimeve të deritanishme që familja ime ka shpenzuar për mua. Këto para do jenë një simbol i mirëfunksionimit dhe i vlerësimit nga qeveria kundrejt meje si sportist. Unë përfaqësoj Shqipërinë dhe flamurin shqiptar, jo veten time dhe familjen time. Ndoshta vështirësia për t'i marrë këto para vjen edhe sepse ky vendim më është akorduar në kohën e qeverisjes së Lulzim Bashës. Përveç kësaj, i kërkoj ministres së re të Arsimit dhe Sportit, Mirela Karabina, t'i çojë klubit "Studenti" grantin për të më paguar. Unë sapo kam mbushur 18 vjeç dhe tashmë kam kaluar me të rriturit, çka do të thotë se sipas legjislacionit në fuqi duhet të marr rrogë. Ajo që dua të di është: Kur do më jepet mundësia për të përfaqësuar denjësisht shtetin shqiptar?
Unë sapo kam mbushur 18 vjeç dhe tashmë kam kaluar me të rriturit, çka do të thotë se sipas legjislacionit në fuqi duhet të marr rrogë. Ajo që dua të di është: Kur do më jepet mundësia për të përfaqësuar denjësisht shtetin shqiptar?!