Vaj palme në produktet e bulmetit, AKU fillon hetimet për prodhimet vendase
Mostrat e marra do të analizohen nga ISUV
Autoriteti
Kombëtar i Ushqimit ka nisur hetimet zyrtare për praninë e vajit të palmës në produktet e bulmetit në Shqipëri. Përmes një njoftimi për shtyp, AKU bëri me dije se hetimi nisi pas shqetësimit të ngritur nga një emision investigativ televiziv, mbi praninë e vajit të Palmës në produkte bulmeti, ku në etiketat e produkteve të marra si mostra, nuk është e deklaruar përmbajtja e yndyrës bimore ( vaj palme). Sipas këtij institucioni, "me urdhër të drej-
MASAT
Sipas Autoritetit Kombëtar të Ushqimit, ndaj operatorëve të biznesit ushqimor produktet e të cilëve do të rezultojnë të përziera me vaj palme dhe të padeklaruar në etiketë, do të merren masa konform legjislacionit në fuqi.
torit të Përgjithshëm të Autoritetit Kombëtar të Ushqimit, Dritan Sejko, është kërkuar në mënyrë të menjëhershme, marrja e mostrave në subjektet të cilat prodhojnë dhe përpunojnë produkte me bazë qumështi
( gjalpë, djathë kaçkavall, salcë kosi), të cilat do të analizohen në Institutin e Sigurisë Ushqimore Veterinare ( ISUV) për përmbajtje të vajit të palmës". Ndërkohë që, ndaj operatorëve të biznesit ushqimor produktet e të cilëve do të rezultojnë të përziera me vaj palme dhe të padeklaruar në etiketë, do të merren masa konform legjislacionit në fuqi. Sipas analizave të kryera nga gazetarët, rezultoi se shumica e markave të gjalpit që tregtohen në Shqipëri kanë në përmbajtje vaj palme, megjithëse në etiketat e produkteve reklamohet se përbërja e tyre është me yndyrë qumështi natyral. Gjithashtu, gazetarët analizuan në institutin e vetëm të referencës dhe sigurisë, ISUV, gjithsej 20 mostra, 16 prej të cilave ishin gjalpë dhe 4 të tjera djathë kaçkavall. Sipas rezultateve të analizave, vetëm 1 nga mostrat ishte brenda normave. 19 mostrat e tjera kishin në përbërje 5 deri në 50 për qind vaj palme. Sipas specialistëve, vaji i palmës klasifikohet si një produkt i dëmshëm për shëndetin e njeriut nëse përdoret pa kriter, apo në sasi të mëdha. Ndërkaq, për garantimin e sigurisë ushqimore dhe mbrojtjen e konsumatorit, AKU mbetet i hapur dhe bashkëpunues me konsumatorët për të gjitha shqetësimet, denoncimet e konsumatorëve, si dhe të gjitha rastet e denoncuara në media, apo pranë portalit online "Inspektori Dixhital".