' masakron' Skënderbeun
Menaxheri Gerhard Takaj pezullohet 18 muaj nga aktiviteti. Gjoba për tifozët e 4 klubeve të ndryshme 10 ndeshje pezullim për Salihin, 8 ndeshje për Osmanin
Problemet dhe polemi kat që prodhoi finalja e titullit në Kukës, i kanë kushtuar shtrenjtë Skënderbeut. Prej kontestimeve ndaj gjyqtarit dhe episodeve në fushën e lojës, Komisioni i Disiplinës në Federatën e Futbollit ndëshkoi ashpër dy prej lojtarëve kryesorë të korçarëve. Bëhet fjalë për sulmuesin Hamdi Salihi dhe mbrojtësin Tefik Osmani, të cilët janë ndëshkuar me pezullime afatgjata, të argumentuara me sjellje antisportive. Për grisjen e kartonit të kuq të gjyqtarit Jorgji, Salihi pezullohet për dhjetë javë nga aktiviteti. Ndërkohë, për fjalët fyese dhe përplasjen fizike me arbitrin, që i kushtuan edhe kartonin e kuq gjatë ndeshjes, Tefik Osmani pezullohet për 8 javë. "2. Lojtari i KF ' Skënderbeu', Tefik Osmani, për sjellje josportive ndaj zyrtarit të ndeshjes duke përdorur fjalë fyese e duke u përplasur fizikisht, në bazë të nenit 49/ 1/ a) të KDS, dënohet me 8 ( tetë) ndeshje pezullim nga aktiviteti. 3. Lojtari i KF ' Skënderbeut' Hamdi Salihi, për sjellje josportive ndaj zyrtarit të ndeshjes në kundërshtim me etikën sportive, në bazë të nenit 49/ 1/ a) të KDS, dënohet me 10 ( dhjetë) ndeshje pezullim nga aktiviteti", lexohet në njoftimin e FSHF- së.
Ndëshkimet për Skënderbeun janë të rënda në aspektin sportiv, edhe sepse me masat disiplinore Ilir Daja nuk do të ketë në dispozicion 10 futbollistë për ndeshjen e fundit të kampionatit ndaj Partizanit. Por, mungesat e Salihit dhe Osmanit do të peshojnë mbi të gjitha në finalen e Kupës së Shqipërisë, ku më datë 31 maj korçarët do të luajnë ndaj Tiranës. Dënimit nuk i shpëtoi edhe menaxheri i përgjithshëm i klubit të Skënderbeut, Gerhard Takaj, që për dhunë ndaj zyrtarit të ndeshjes në Kukës është pezulluar për 18 muaj nga aktiviteti. "4. Zyrtari i KF ' Skënderbeu' Gerhard Takaj, për dhunë ndaj zyrtarit të ndeshjes, në bazë të nenit 49/ 2/ b) të KDS dënohet me 18 ( tetëmbëdh- jetë) muaj pezullim nga aktiviteti dhe në bazë të nenit 20 të KDS i ndalohet qëndrimi në dhomat e zhveshjes, stolin e rezervave dhe territorin përreth fushës".
Ndër të tjera, Komisioni i Disiplinës pezulloi për dy ndeshje sulmuesin e Vllaznisë, Brunild Pepa, për protesta me fjalë ofenduese. Për sherrin në fundin e ndeshjes ndërmjet Flamurtarit dhe Laçit, me dy ndeshje u pezulluan edhe mbrojtësi i vlonjatëve, Ivan Jakovljevic dhe ai i kurbinasve, Bruno Lulaj.
Ndërkohë ka pasur gjoba për shumë nga klubet e superiores. Kështu, Kukësi e Skënderbeu janë dënuar respektivisht me 2 dhe 1 milion lekë të vjetër gjobë. Por nuk ka shpëtuar as Partizani, që është dënuar me
1 milion lekë gjobë për shkak të ofendimeve në kor të tifozëve të tij kundrejt Federatës Shqiptare të Futbollit. Edhe Flamurtari, me të njëjtin motiv është dënuar me 1 milion lekë të vjetër gjobë.