Mazhoranca e Zaev me 62 deputetë, Lëvizja Besa refuzon koalicionin
Kryeministri i Maqedonisë rizgjidhet në krye të partisë së tij LSDM "Nuk pranojmë ministra të hetuar për krime"
Mungojnë edhe pak ditë deri në kr ijimin e qeverisë së re të Zoran Zaev dhe tashmë janë përmbyllur koalicionet. Partia e Kryeministrit të ri të Maqedonisë, LSDMja, do të qeverisë në aleancë me partitë shqiptare, të cilat kanë marrë disa nga postet kyçe. Megjithatë, e "përjashtuara" mes shqiptarëve është Lëvizja Besa, e cila ka vendosur të qëndrojë jashtë koalicionit të ri qeveritar. Me këtë, shumica e re parlamentare do të ketë 62 vota në parlament, të mjaftueshme për miratimin e kabinetit qeverisës të Zoran Zaev. Megjithatë, ky vendim i Besës ishte i papritur, pavarësisht kushtit të saj të mëhershëm. Lëvizja Besa kishte kërkuar realizimin e disa parimeve që burojnë nga deklarata e përbashkët e partive shqiptare të Maqedonisë. Po ashtu kërkonte që në kabinetin e ri të mos ketë vend për persona të dyshuar nga Prokuroria e Posaçme për vepra kriminale. Lidhja Social Demokrate e Maqedonisë njoftoi përmes një komunikate se "mbeten dyert të hapura për bashkëpunim rreth reformave që e presin vendin dhe për gjithçka tjetër që paraqet interes për Republikën e Maqedonisë". Ndërkohë, Aleanca për Sh- Pas mandatimit të Zoran Zaev, Lëvizja Besa vuri një kusht për pjesëmarrjen e saj në koalicionin qeverisës. Krerët e saj u shprehën se do të qëndronin jashtë qeverisë në rast se emrat e propozuar nga Zaev për postet drejtuese do të ishin të përfolur për korrupsion.
qiptarët pritet ta bëjë zyrtar qëndrimin për pjesëmarrje në qeveri dhe do të drejtojë Ministrinë e Shëndetësisë, sipas burimeve nga të gjitha partitë e shumicës. Bashkimi Demokratik për Integrim ka vendosur për emrat e ministrave të rinj nga radhët e veta. Ata do të jenë; Hazbi Lika, zëvendëskryeministër i ngarkuar për sistemin politik dhe marrëdhënie midis komuniteteve; Bujar Osmani për zëvendëskryeministër për Integrimet në Bashkimin Evropian; Bylent Saliu për ministër i Drejtësisë; Kushtrim Bekteshi për ministër i Ekonomisë; Sadulla Duraku për ministër i Ambientit dhe Ramiz Merko për ministër pa portofol. Lidhja Social Demokrate do të njoftojë në vazhdim mbi përbërjen e kabinetit qeveritar, ndërsa, sipas pritshmërive, të hënën mund të mblidhet parlamenti për miratimin e qeverisë. Nga ana tjetër, Zaev ka arritur një tjetër fitore. Ai është rikonfirmuar si kryetar i partisë LSDM. Lidhja Social Demokrate e Maqedonisë mbajti të shtunën Kongresin e 22- të, ku zgjodhi kryetarin dhe organet e tjera drejtuese të partisë. Zoran Zaev si kandidat i vetëm për kryetar u rizgjodh në krye të partisë. Nga 700 delegatë votuan 643, prej të cilëve 597 i dhanë votën zotit Zaev për ta drejtuar partinë në katër vitet e ardhshme. Radmilla Sheqerinska u rizgjodh në postin e zëvendëskryetarit. Zoran Zaev tha se do t'u jepet fund ndasive dhe se partia do t'u përkushtohet reformave rrënjësore. "Mjaft më me revanshizma që na kthejnë prapa! Vetëm një shoqëri jo e politizuar çon drejt një zhvillimi ekonomik", - theksoi ai. Në Kongres morën pjesë edhe zyrtarë të partive simotra evropiane, si dhe nga Bashkimi Demokratik për Integrim, nga Lëvizja Besa, Aleanca për Shqiptarët dhe nga parti të tjera më të vogla të koalicionit zgjedhor me Lidhjen Social Demokrate.