Basha: Koha për ekip të ri, jo karrigen ngjitur pas vetes
Kreu i PD: Unë do jem kryeministër i ekonomisë, Rama i papërgjegjshëm Thirrje demokratëve që kaluan tek LSI: Kthehuni!
Kreu i opozitës, Lulzim Basha, hapi dje fush atën elektorale në Berat dhe Gjirokastër, ndërsa akuzoi kryeministrin Edi Rama se ka zhytur vendin në varfëri. Para mbështetësve të djathtë, Basha sulmoi edhe LSI duke u bërë thirrje të gjithë qytetarëve që në 25 qershor t'ia hedhin në fytyrë teserën e LSI dhe të bashkohen me PD- në. "Atje në Tiranë kemi një parti që ju e dini fare mirë që e ka kthyer teserën e vetë në triskë buke për dhjetëra qindra qytetarë. Edi Ramën do ta mundim me votë, ai e përcaktoi vetë fatin e tij kur premtoi 300 mijë vende pune dhe mbolli mijëra palma dhe nuk hapi asnjë vend pune. Por është koha t'i bëjmë thirrje çdo qytetari dhe qytetareje që janë skllavëruar me teserat e LSI dhe partive të tjera të pazarit të vjetër. Hidhuani në fytyrë në 25 qershor, nuk do të keni më nevojë. Në 25 qershor ata do të jenë njëherë e mirë jashtë pazarit, jashtë tepsisë. ' Republika e vjetër' do shembet, hidhuani në fytyrë teserat, bëhuni njerëz të lirë, bashkohuni me PD dhe Bashën", - theksoi z. Basha. Gjatë prezantimit të kandidatëve, iu dha përgjigje të prerë kritikëve të tij për çështjen e listës së kandidatëve për deputetë. Basha tha se askush në PD nuk e ka të ngjitur karrigen pas vetes: "Që ta mundim me votë në 25 qershor, njerëzit duhet të kuptojnë se ne nuk jemi këtu për të bërë të njëjtën lojë që ka bërë Rama 4 vite. Ndaj ndryshimi duhet të fillonte dhe ka filluar brenda shtëpisë sonë. Askush në PD nuk e ka të ngjitur karrigen pas vetes. Unë kam marrë vendimet e mia si kryetar i opozitës, si kryeministër i ardhshëm, kam krijuar ekipin tim fitues dhe ndonëse këto janë vendime të vështira, janë të duhura, të drejta në kohën e duhur ndaj ju kërkoj që me këtë ekip fitues të marshojmë drejt fitores në 25 qershor. Nuk i heq as presjen", - theksoi kreu i PD- së. Basha u bëri thirrje beratasve e gjirokastritëve dhe gjithë shqiptarëve të marrin vendimin e duhur në KQZ "Do bëj çdo përpjekje për të kontribuar si çdo demokrat në fitoren e PD, por largimi im është pakthim. PD- ja ka sot lidershipin e vet, që me vendosmëri do ta çojë atë drejtë fitores së sigurt më 25 qershor dhe do të arkivojë në analet e zeza të historisë narkoregjimin e Edvin Kristaq Ramës. Fitore!", shkruan Berisha në "FB".