Gjykata e Lartë refuzon rekursin e biznesmenit Arben Frroku
U dënua përjetë për vrasjen e Dritan Lamajt
Gjykata
e Lartë refuzoi rekursin e biznesmenit Arben Frroku, duke lënë në fuqi dënimin e tij me burgim të përjetshëm për vrasjen e kryekomisar Dritan Lamajt. Kolegjit Penal iu deshën dy vite të studionte dosjen, për të dalë në përfundimin se nuk ka asnjë shkak ligjor për ta shqyrtuar rekursin. Në Dhomën e Këshillimit, është rënë dakord që Gjykata e Apelit për Krime të Rënda e ka zgjidhur drejt çështjen, duke e dënuar përjetësisht biznesmenin Arben Frroku. Dritan Lamaj u ekzekutua në muajin shkurt të vitit 2013. Ndërsa Arben Frroku u arrestua në Greqi, 24 orë pas ekzekutimit të ish- shefit të Komisariatit Nr. 6 në Tiranë, me të cilin kishte pasur konflikte. Nëntë muaj më vonë, ai u ekstradua drejt Shqipërisë, dhe pas një përballjeje të gjatë gjyqësore, Gjykata e Krimeve të Rënda e cilësoi të pafajshëm. Biznesmeni u lirua nga burgu pikërisht në ditën kur vëllai i tij, Mark Frroku, deputet asokohe, do të vihej nën arrest për akuzën e vrasjes së Aleksandër Kurtit në Belgjikë. Ndërsa pritej që Apeli të jepte vendimin, biznesmeni Arben Frroku la Shqipërinë. Ndryshe nga shkalla e parë, Apeli për Krime të Rënda e dënoi atë me burgim të përjetshëm. Menjëherë pas vendimit, emri i tij u rendit në listën e personave të shumëkërkuar në vend. Ndonëse në arrati, Arben Frroku bëri rekurs në Gjykatën e Lartë, por nuk kaloi shumë, kur ai u prangos në Holandë. Prej disa muajsh, Frroku është duke u përballur me drejtësinë holandeze, pasi kundërshton ekstradimin e tij drejt vendit tonë. çështjes pohoi në gjykatë, i riu tha: "Nuk kam gjë për të shtuar. Dua të konsultohem me avokatin tim dhe do të flas në një moment të dytë".
HETIMET
Ndonëse hetuesit e çështjes kanë prova të forta dhe kanë në duar personin që shkrepi armën mbi Artan Cukun, nuk dinë ende se kush janë porositësit e vrasjes së ish- zyrtarit të lartë të policisë. Në sajë të hetimeve, në kërkim janë shpallur edhe dy persona të tjerë, për të cilët burimet thonë se dyshohet të jenë vetëm në rolin e bashkëpunëtorëve në krim. Për të zbuluar emrat e porositësve të vrasjes, prokuroria ka marrë disa herë në pyetje Mikel Shallarin, duke iu ofruar mundësia që ai të bashkëpunojë me drejtësinë, duke treguar gjithçka di për rastin në fjalë. Pavarësisht ofertës që i është bërë, 24- vjeçari nga Kuçova, i cili prej disa muajsh jetonte në Tiranë bashkë me familjen e tij, nuk ka pranuar të dëshmojë. Burime pranë policisë sqaruan se pas arrestimit të tij, policia i mori në mbrojtje pjesëtarët e familjes, me qëllim që Shallari të tregojë emrat e personave që e donin Cukun të vrarë. Artan Cuku ishte babai i dy fëmijëve, zyrtar me një karrierë 16- vjeçare në radhët e Policisë së Shtetit. Ai u ekzekutua mbrëmjen e 8 prillit të këtij viti, në hyrje të pallatit ku banonte në Rrugën e Kosovarëve, në afërsi të Liqenit Artificial, në kryeqytet.