Zgjedhjet në Kosovë, Kurti thirrje LDK- AKR për koalicion
Ende pa zgjidhje krijimi i parlamentit të ri, koalicioni i PDK i pari "S'bëhet qeveri e re me eksponentë të vjetër"
Mbyllet numërimi i votave në Kosovë, vota të cilat u dhanë për të zgjedhur parlamentin e ri. Sipas rezultateve të deritanishme, koalicioni parazgjedhor PDKAAK- Nisma pritet të marrë 39 mandate, bazuar në 34% të votave të përgjithshme. Tetë deputetë më pak se koalicioni i "Krahut të luftës" pritet të marrë Lëvizja Vetëvendosje, e cila garoi e vetme në zgjedhjet e 11 qershorit dhe kryesoi si forcë e parë. Me mbi 27% të votave, Vetëvendosja pritet të konfirmojë 31 mandate në parlamentin e ardhshëm. Ndërsa LDK- AKR, të renditur të tretët, me 25,7% të votave, do të zënë 30 vende në Kuvendin e Kosovës. Krahasuar me zgjedhjet e vitit 2014, rezultatet e 11 qershorit përkthehen në humbje për dy koalicionet e mëdha dhe dyfishim votash për Lëvizjen Vetëvendosje. Megjithatë, këto zgjedhje prodhuan një ngërç politik në Kosovë, pasi të gjitha forcat janë larg mundësisë për ta formuar shumicën të vetme. Koalicioni LDK- AKR përjashtoi mundësinë e një bashkimi me PDK- në, por nuk ia ka mbyllur derën një marrëveshjeje me Vetëvendosjen e Albin Kurtit. Pavarësisht udhëkryqit që ka sjellë rezultati i zgjedhjeve, pretendenti për kryeministër i koalicionit PDKAAK- Nisma, Ramush Haradinaj, nuk sheh vështirësi në formimin e qeverisë. Ai thotë se gjithçka do të kryhet në përputhje me dety- rimet kushtetuese. Ndërkaq, Albin Kurti, në një konferencë për mediat, i ka bërë thirrje koalicionit LDKAKR- Alternativa që t'i bashkohet në krijimin e qeverisë progresive. Ai ka deklaruar se nuk mund ta lejojnë krijimin e një tjetër qeverie nga ana e Partisë Demokratike të Kosovës, ndaj janë duke punuar intensivisht që pas dështimit të krijimit të qeverisë nga koalicioni PAN, ata ta bëjnë këtë gjë. "Nuk mund të kemi pushtet të ri me eksponentë të vjetër. Parandalimi i një qeverie me njerëz të regjimit të vjetër i hap rrugën krijimit të një qeverie të re, ku VV- ja do të jetë bartëse dhe prijëse e këtij procesi. Ne i bëjmë ftesë komplet koalicionit LDKAKR- Alternativa, në mënyrë që në Kosovë të hapim një kapitull të ri, në përputhje me vullnetin e qytetarëve", thotë Albin Kurti, duke shtuar se "Ne nuk mendojmë që PDK- ja duhet të bëjë qeveri të re, pavarësisht kush është i nominuari për kryeministër. Pas dështimit të tyre për të krijuar qeveri, radha na vjen neve, dhe ne jemi në krye të detyrës". (" Klan Kosova") Begjet