QKEV: 15.853 profesionistë të shëndetësisë, pa kredite
Problem, aktivitetet nga institucionet publike, të rishikohen kontratat e FSDKSH- së me spitalet Raporti: Pjesa më e madhe janë infermierë
Cikli i dytë i edukimit në vazhdim për profesionistët e shëndetësisë zgjat 4 vjet, ndërkohë që brenda këtij cikli mjekët duhet të mbledhin një numër jo më të vogël se 120 kredite të edukimit në vazhdim, stomatologët dhe farmacistët e ndihmësfarmacistët 60 kredite, ndërsa infermierët e mamitë 40 kredite. 50% të numrit të përgjithshëm, ndërsa aktivitetet e vetëraportuara duhet të përllogariten deri në 20% të numrit të përgjithshëm të krediteve të raportuara. Sa i takon numrit vjetor minimal të detyrueshëm, për mjekët ai është 10 kredite, ndërsa për farmacistët, ndihmësfarmacistët dhe stomatologët, 5 kredite. Në programin e ricertifikimit përfshihen të gjithë këta profesionistë ( shtetas dhe të huaj), që ushtrojnë detyrën në institucionet publike ose private të kujdesit shëndetësor parësor, dytësor dhe terciar dhe ata të institucioneve akademike shëndetësore. Në program nuk përfshihen vetëm profesionistët që punojnë në administratë. Ndërkohë që, ata profesionistë, të cilët dalin në pension brenda periudhës 4- vjeçare të ciklit dhe që nuk do të vazhdojnë ta ushtrojnë profesionin e tyre në sektorin privat, përjashtohen nga detyrimet e programit të certifikimit për atë cikël. Gjithashtu, mjekët, farmacistët, stomatologët, ndihmësfarmacistët, infermierët dhe mamitë, të cilët gjatë një viti kalendarik të ciklit të programit ndërpresin punën për një periudhë 4- mujore ose edhe më gjatë, përjashtohen nga kërkesat e programit për atë vit kalendarik. Profesionistët, të cilët punojnë me kohë të pjesshme dhe ata që kanë dalë në pension, por vazhdojnë të ushtrojnë profesionit, duhet të plotësojnë të njëjtat kritere të programit si ata që ushtrojnë profesionin e tyre me kohë të plotë. Ndërkaq, ashtu sikurse ishte përcaktuar gjatë ciklit të parë, profesionistët e shëndetësisë, të cilët nuk plotësojnë kriteret e programin e certifikimit, do t'i nënshtrohen provimit të certifikimit. Për mjekët, farmacistët dhe stomatologët cikli zgjat nga 20152018, ndërsa për infermierët përgjatë periudhës kohore 2016- 2019.