Kosovë, shkatërrohet celula shqiptare e ISIS, 9 arrestime
Prokuroria speciale: Planifikonin të sulmonin në ndeshjen Shqipëri- Izrael Drejtoheshin nga Lavdrim Muhaxheri
Plot 9 persona janë ar restuar në Kosovë, si anëtarë të një celule të ISIS- it, e cila drejtohej nga "Kasapi i Ballkanit", Lavdrim Muhaxheri. Prokuroria Speciale e Kosovës ka ngritur aktakuzë kundër tyre për terrorizëm. Sipas aktakuzës, 3 prej të pandehurve, me qëllim që të frikësojnë popullsinë, të destabilizojnë shtetet e Ballkanit dhe të krijojnë Shtetin Islamik, i janë përgjigjur thirrjes së pjesëtarit të organizatës terroriste ISIS, Lavdrim Muhaxheri, për akte terroriste. Prokuroria Speciale e Kosovës njofton se, përmes kontakteve të rregullta mes tyre, me anë të internetit e konkretisht aplikacionit "Telegram", njërit prej tyre i është bërë thirrje që të kryejë sulmin terrorist kundër lojtarëve dhe tifozëve nga Izraeli, të cilët duhej të vinin në Shqipëri, në qytetin e Shkodrës, për të zhvilluar ndeshjen e futbollit mes Shqipërisë dhe Izraelit, më 12 nëntor 2016. Dy të pandehur, gjatë muajit tetor 2016, sipas kërkesës së Lavdrim Muhaxherit, i cili nga Prokuroria konsiderohet si një ndër të pandehurit e me të cilin kanë pasur kontakte të vazhdueshme përmes "Telegramit", kanë përgatitur sulme terroriste në Kosovë, atentatet kundër ndërkombëtarëve, ose zyrtarëve të institucioneve të sigurisë. Një prej tyre interesohej për blerjen e Rikthimi i Muhaxherit në Ballkan, sipas shërbimeve sekrete italiane është konsideruar si një kërcënim shumë serioz, jo vetëm për zonën ballkanike, por edhe për shumë vende të Europës, ku lideri xhihadist nga Kosova ( i futur në listën globale të terroristëve nga SHBA në 2014- ën), ka shumë kontakte dhe është në gjendje që të godasë.
armëve automatike, që do t'ia dërgonte Lavdrim Muhaxherit përmes njerëzve të tij ende të paidentifikuar, në këmbim të shumës 1.500 euro. Plot 283.1 gramë eksploziv i improvizuar "triacetone triperoxide" ( TAPT) i është gjetur njërit prej tyre në bodrumin e shtëpisë së tij. Po ashtu, Prokuroria ka gjetur prova për prodhim materialesh plasëse në shtëpi. Një prej të pandehurve, sipas Prokurorisë ka qenë në
Siri në vitin 2013. Ndërkohë, Lavdrim Muhaxheri është raportuar i vdekur gjatë ditëve të fundit. Familjarët e tij konfirmuan vrasjen e Muhaxherit në Siri, megjithatë ende asgjë nuk është e sigurt. Lavdrim Muhaxheri, i njohur me emrin Abu Abdullah al- Kosova, i futur në listën globale të terroristëve nga SHBA në 2014- ën, është konsideruar prej kohësh si një nga krerët e ISIS- it. Kjo pas një ngjitjeje si kreu i Brigadës Ballkanike të xhihadistëve. Para kësaj, ai ka punuar në bazën amerikane të Bondsteel në Kosovë dhe para kësaj ka punuar për NATO- n në Afganistan. Shqiptari është deklaruar tri herë i vdekur, megjithatë kohëve të fundit u tha se kishte mbërritur në Kosovë me objektiv, të rekrutonte sa më shumë xhihadistë. Tashmë është deklaruar sërish vdekja e terroristit, ndërsa lajmi është konfirmuar fillimisht nga Policia e Kosovës, e më pas edhe nga familjarët e tij. Policia e Kosovës ka njoftuar se është vrarë një shtetas kosovar nga dronet e SHBA- ve, por nuk ka dhënë ndonjë detaj për identitetin e tij. Megjithatë, familjarët e kanë konfirmuar rastin, ndërsa janë shprehur se bëhet fjalë pikërisht për Muhaxherin.