Ramush Haradinaj: Mund ta bëjmë qeverinë me LDK- në
Kreu i AAK- së: Vetëvendosja? Nuk ka improvizime, qeverinë do ta formojmë ne "Ekzekutivin e ri do ta formoj për një javë"
Kandidati për Kryem inistër të Kosovës nga koalicioni i Partisë Demokratike të Kosovës, Aleancës për Ardhmërinë e Kosovës dhe partisë Nisma, Ramush Haradinaj, thotë se nuk do të lejohen improvizime dhe se qeverinë do ta formojë koalicioni që ka fituar zgjedhjet. Ai beson se qeveria e re do të formohet një javë pas certifikimit të rezultateve dhe shprehet se ka një traditë të bashkëpunimit me Lidhjen Demokratike të Kosovës, e cila mund të vazhdojë edhe në qeverisjen e ardhshme.
Zoti Haradinaj, ju jeni kandidat për kryeministër i një koalicioni që ka dalë fitues i zgjedhjeve të 11 qershorit. Por, mandatet e fituara në Kuvend, sikur nuk jua garantojnë formimin e qeverisë pa një koalicion të ri. Si do të veproni në këtë rast?
Tani jemi në pritje të rezultatit final, por afërsisht dihet numri i deputetëve të koalicionit tonë. Kushtetuta jonë parasheh edhe rolin e komuniteteve, e të gjithëve në qeveri. Po ashtu do të diskutojmë, do të konsultojmë edhe organizime politike ose parti politike shqiptare për ndërtimin e qeverisë.
Do të diskutoni apo keni filluar diskutimet për një koalicion të ri?
Tani, kuptohet, komunikimi ekziston dhe është i vazhdueshëm, por ato zyrtaret duhet të ndodhin kur të përmbyllet certifikimi i re- zultatit dhe pasi të marrë nominimin zyrtar, por po, jemi në punë e sipër këto ditë.
Do i bëni ftesë ndonjërit prej subjekteve politike nga koalicioni i LDK- së me AKR- në dhe Alternativën që të bëhen pjesë e qeverisë suaj eventuale?
Unë kam pasur një traditë bashkëpunimi me LDKnë nga qeverisja në të kaluarën, në kohën e koalicionit me presidentin Rugova. Jam i hapur për të biseduar me ta. Pra, është e mundshme.
Zoti Haradinaj, e dimë se si kanë qenë raportet në të kaluarën, por po flasim sot për sot...
Nuk mund ta precizoj nëse është ftesë, por ne jemi në përgatitje e sipër të marrëveshjeve potenciale me partnerët. Pra, unë kam një traditë pune me LDK- në nga e kaluara. Kemi një komunikim, ta quaj ashtu, të hapur dhe është e mundshme, por nuk mund ta paragjykoj kaq herët ose si do të shkojë rrjedha.
Me Vetëvendosjen, jeni të gatshëm të shkoni në koalicion?
Njihemi edhe me ta po ashtu. Me siguri do të komunikoj edhe me ta që të shohim si është perspektiva e punëve në të ardhmen. Mirëpo, ju thashë që jemi në nivel pune që votuesit kanë vendosur kush është fitues i zgjedhjeve. E kemi numrin e caktuar të deputetëve, i kemi komunitetet që në bazë të Kushtetutës kanë rolin e vet kushtetues edhe në qeveri, edhe në parlament, do të diskutojmë edhe në organizimin e politikës shqiptare, por s'dua ta precizoj si do të rrjedhë.
Do të thotë që, ju nuk keni diçka konkrete aktualisht sa i përket asaj se si do të duket qeveria e ardhshme?
Unë kam diçka konkrete, por nuk e kam ende për ta lajmëruar për opinion. Por, ajo që mund t'i siguroj qytetarët e vendit është se në një afat të shkurtër kohor pas nominimit zyrtar, pas certifikimit të rezultateve, mendoj në më pak se një javë, do të formojmë qeverinë e vendit.
Të martën, ish- kryetari i Lëvizjes Vetëvendosje deklaroi se ai do të jetë mandatar për formimin e qeverisë së ardhshme. Si e shihni ju pretendimin e Albin Kurtit?
Nuk e marr në shqyrtim atë që ai thotë. Proceset janë të qarta, dihet se si rrjedh procedura. Ne kemi bërë një përvojë nga e kaluara. Pra, nuk kemi mundësi që të krijojmë improvizime që bllokojnë e as improvizime që vonojnë Kosovën. Nuk do të bëjmë më improvizime, jemi seriozë në punë. Pra, mandatin që na është dhënë nga qytetari, do ta zbatojmë.
Pra ju nuk parashikoni ndonjë afat të gjatë kohor për formimin e qeverisë?
Jo, nuk do t'i humbin kohë vendit. Pra, në afatin më të shkurtër kohor do të veprojmë me qeverinë. Përafërsisht, kur i bie? Një javë nga certifikimi, por certifikimin final e bën KQZ- ja. Në momentin kur ata të kryejnë punë, ne brenda javës do të jemi të gatshëm. /" REL"/