Shfrytëzonte vajza për prostitucion, prangosen parukieria dhe 3 persona
Policia: Takimet në motele, në periferi të Tiranës
Seksioni
Kundër Trafiqeve të paligjshme në Drejtorinë e Policisë së Tiranës shkatërroi një tjetër bazë të shfrytëzimit të prostitucionit në kryeqytet. Burime zyrtare të policisë bënë me dije se kuadër të operacionit të koduar "Real" përfunduan në pranga 4 persona, mes të cilave edhe dy femra. Ditën e djeshme uniformat blu arrestuan shtetasit me iniciale P. J., 62 vjeç, banues në Tiranë; T. Th, 50 vjeçe, banuese në Tiranë; B. D., 52 vjeç, banues në Prishtinë - Kosovë Klient); E. P., 27 vjeçe, banuese në Tiranë. Nga veprimet hetimore ka rezultuar se shtetasja T. TH., prej disa kohësh, me anë të mashtrimit joshte vajza të reja duke u ofruar atyre para dhe sende të tjera me vlerë dhe më pas i shfrytëzonte ato për prostitucion, duke i dërguar në hotele të ndry- shme në periferitë e Tiranës. Këtë aktivitet të kundraligjshëm e kryente në bashkëpunim me shtetasin P. J. Ky i fundit pasi vihej në dijeni nga shtetasja T. TH., bënte transportin e vajzave në drejtim të klienteve të tyre me makinë. Burime pranë policisë sqaruan se 50vjeçarja ishte në profesionin e parukieres dhe i fuste vajzat në kurth. Salloni i saj i bukurisë ndodhej te "Komuna e Parisit" dhe vajzave që u ofronte shërbime estetike, nuk iu marrë para. Klientët ishin mbi 50 vjeç nga Kosova dhe Shqipëria dhe paguanin nga 100- 200 euro. Ndërkaq, mësohet se takimi i tyre bëhej në disa motele të ndryshme në Vaqarr dhe në Ndroq. Pas arrestimit të tyre, policia u sekuestroi në cilësinë e provës materiale 9 aparate telefonikë dhe 2 automjete. Ndërsa, materialet procedurale në ngarkim të tyre iu referuan prokurorisë Tiranë për veprat penale, "Prostitucioni" dhe "Shfrytëzimi i prostitucionit".