Urdhri i zv/ kryeministres: Task- Forca, kontroll transfertave bankare
Bankat e nivelit të dytë të raportojnë të gjitha tërheqjet nga llogaritë "Rastet e dyshimta, për hetim në prokurori"
Të gjitha tërheqjet në llogaritë bankare të subjekteve politike do të kalojnë në sitë nga drejtori i Drejtorisë së Parandalimit dhe Pastrimit të Parave. Bankat e nivelit të dytë janë urdhëruar të raportojnë tërheqjet e parave gjatë muajit pranë Task- Forcës, e cila më pas do të ndjekë të gjitha rastet e dyshimta. Vendimi mban firmën e zëvendëskryeministres Ledina Mandija dhe është marrë në mbledhjen e Task- Forcës të datës 1 qershor. Sipas pikës së 4- rt të rendit të ditës, u diskutua lidhur me informacione të dërguara zëvendëskryeministrit, ku pretendohet për tërheqje shumash të mëdha monetare gjatë muajit maj 2017 në bankat e nivelit të dytë. "Task- Forca kërkoi nga Drejtoria e Parandalimit dhe Pastrimit të Parave që të ndjekë me përparësi këtë informacion, duke kryer hetimet e duhura administrative, dhe të vlerësojë nëse ka bazueshmëri të pretendimeve të tilla, duke bërë krahasime edhe me të njëjtat periudha të viteve të mëparshme, në mënyrë që të garantohet një proces zgjedhor i pandikuar nga përdorimi i parave me burim të paligjshëm për financim të subjekteve elektorale", thuhet në njoftimin për mediat. Rastet e dyshimta do të hetohen nga prokuroria. "Në rast se do të ketë dyshime të arsyeshme që shumat e tërhequra kanë lidhje me financime të paligjshme të subjekteve politike, Drejtori i Drejtorisë së Parandalimit dhe Pastrim- "Në rast se do të ketë dyshime të arsyeshme që shumat e tërhequra kanë lidhje me financime të paligjshme të subjekteve politike, drejtori i Drejtorisë së Parandalimit dhe Pastrimit të Parave duhet ta referojë rastin në prokurori për ndjekje dhe hetim të mëtejshëm si dhe do të informohet zv. kryeministri për gjetjet."