... nga numri i shkuar
“Milosao” e këtij numri ishte shumë mirë e disenjuar me temat. Shkrimi kryesor iu blatua historisë së fotos së vërtetë që lidhet me Pavarësinë. E shkrepur një vit më vonë, ajo ishte edhe dokumenti zyrtar sa i përket kësaj ngjarje të madhe. Autori i saj është Petro Dhimitri një profesionist, punët e të cilit autori Qerim Vrioni i kish shpjeguar shumë mirë, madje edhe me kontekstin e ditëve. Shqetësimi i autorit ishte për autorësinë e vetë fotografisë, një sëmundje e pashërueshme kjo për shqiptarët. “
Në fakt, për shumë njerëz, fotoja është identifikuar me atë të pavarësisë dhe ende sot shumica e shqiptarëve nuk e dinë historinë e saj, që historiani i fotografisë e ka zbërthyer shumë qartë.
Profesor Rexhep Ferri përmes esesë së tij “
shkruan konceptualisht për atë botë që e rrethon dhe që do t’i kumtojë mesazhet e tij. Duket si një botë virtuale dhe tejet larg së përdit- shmes, por një sy i vëmendshëm dhe afër tij i shikon shqetësime kombëtare, që ai mundohet t’i blatojë dhe në formatin e tij pikturik tejet filozofik, shkroi redaktori.
Luan Rama, poeti, kineasti dhe publicisti, që jeton në Paris prej vitesh, rikthehet me një cikël, që vjen pas shumë kohësh te “Milosao”. Botuesi i tij i ka përçuar dhe konsideratën përmes një letre të kujdesshme..., e cila është botuar nga redaktori.
Ndërkohë, që në këtë numër pati vend edhe për studiuesen e njohur, prof. Kaliopi Naska, që në vazhdën e punimeve të saj historike, këtë herë në një formë shumë të larmishme por edhe lehtësisht të asimilueshme për publikun, na ka sjellë albumin studimor historik “Vetëqeverimi i Korçës, referuar të përkohshmeve ‘ Adriatiku’ dhe ‘ Gazet’ e Korçës’”. Redaktori për pak e harroi në vazhdën e shkrimeve të shumta, që ishin në këtë numër. Referuar materialit të dy gazetave, ato ishin edhe kronika më e gjallë ku përshkruhen ngjarjet e atyre ditëve në Korçë. Me një metodologji tepër komunikuese dhe të pastër, ofruar prej saj, lexuesi kupton dhe orientohet në një nga ngjarjet më të mëdha të historisë kombëtare në dekadat e para të shekullit XX...
Në përgjithësi ishte numër i këndshëm dhe i maturuar shumë mirë dhe në disa momente dhe layout ishte përshtatur shumë mirë.