Basha: Sistem maxhoritar dhe parlament me 100 deputetë
Propozimi i kreut të PD për reformën: Kryeministri të zgjidhet nga populli "Sistemi amerikan ' recall', si shkarkohet deputeti"
Kryetari i PD- së, Lul zim Basha propozon sistem maxhoritar, një parlament me 100 deputetë dhe kryeministër të zgjedhur nga populli. I ftuar në "Top Story", z. Basha zbardhi propozimet e demokratëve në reformën zgjedhore, sipas të cilit me ndryshimet për reformën zgjedhore, kryeministri të zgjidhet direkt nga populli. Kreu i PD- së propozon gjithashtu edhe uljen e numrit të deputetëve dhe zgjedhjen e drejtpërdrejtë të tyre në sistem maxhoritar. "Reforma që ne do propozojmë parashikon kryeministër të zgjedhur direkt nga populli. Deputetet do të zgjidhen direkt në maxhoritar nga votuesit. Do të ketë vetëm 100 deputetë. Është shkatërruar lidhja mes qytetarit dhe pushtetit, sepse procesi demokratik është korruptuar nga pushteti i kryetarëve të partive. Nga mëngjesi në darkë në çadër 90 ditë kam folur për pushtetin e qytetarëve. 100 deputetë, mandat 2- vjeçar, zgjedhje maxhoritare, e drejta e qytetarëve të ndërpresin me votë mandatin e deputetëve dhe të kryeministrit. Me sistemin e votimit elektronik mund të besh zgjedhje çdo dy vjet pa kosto", deklaroi z. Basha. Kreu i PD- së bëri të qartë se më 25 qershor shqiptarët do të jenë përballë një zgjedhjeje të vetme të vërtetë, që bazohet tërësisht tek ekonomia dhe ringritja e saj. "Është plani ekonomik i Partisë Demokratike, i hartuar në 2 vjet e gjysmë shumë të vështira për qytetarët shqiptarë, ku u godit sipërmarrja, u goditën qytetarët", theksoi kreu i PD- së. Basha tha se programi është hartuar nga ekspertët më të mirë europianë. "Është hera e parë që një parti politike vjen në zgjedhje me një plan ekonomik me taksa të ulëta dhe mbështetje për sektorët kryesorë, fermerët me subvencione, sipërmarrjen që krijon vende pune. Është një program që merret me ekonominë, jo me timonin", u shpreh ai. Basha e ndau "Republikën e Re" në dy pjesë: atë politike dhe atë ekonomike. Duke folur në "Top Story", Basha shpjegoi anën politike. "Pjesa politike është ndryshim i thellë i Kushtetutës. Në Shqipëri ka humbur lidhja mes pushtetarit dhe qytetarit dhe kjo ka ndodhur gradualisht. Përgjegjësia është e të gjitha palëve politike, por veçanërisht e autorëve të ndryshimeve kushtetuese të 2008. Në bazë të këtyre ndryshimeve, deputetët nuk kanë lidhje me qytetarët dhe u mjafton ta kenë mirë me kryetarin e partisë. Vetë deputetët zgjidhen për të kontrolluar qeverinë, por me këtë sistem, qeveria i kontrollon ata. Ne duam që në radhë të parë të kthejmë pushtetin tek qytetarët", tha Basha. Kreu i opozitës shpjegon edhe rrugët si mund të bëhet kjo. "Futja e sistemit amerikan ' recall', që do të thotë që një deputet mund të shkarkohet përmes referendumit në zonën e tij. Me këtë mund të shkarkohet kryeministri dhe kryebashkiaku e të tjerë dhe nuk lidhet më fati i një politikani me fatin e një oligarku dhe biznesmeni", u shpreh kreu i PD- së. Kreu i FRD- së, Bamir Topi nga Elbasani ftoi shqiptarët që të marrin pjesë masivisht në zgjedhje. "FRD pret të nxjerrë në zgjedhjet e 25 qershorit deputetë edhe në Tiranë e Durrës dhe do të ketë një rritje të saj në të gjithë Shqipërinë, edhe pse fushata për zgjedhjet e 25 qershorit nuk ishte aspak normale", deklaroi z. Topi.
MAJLINDA BREGU
"Mua me bezdis shumë boshllëku i njeriut të politikë. Brezi i sotëm ka dëshirë që t'i marrë gjërat rehat. Kam parasysh njerëz me zgavër bosh. Më shqetëson prezenca e boshllëkut të njeriut në shoqëri. Ne vit pas viti po u largohemi figurave model. Këta të rinj që brohorasin sot më kujtojnë njeriun e ri në kohën e komunizmit", tha Bregu.