PPE: S'tolerojmë manipulimin e zgjedhjeve
25 qershori, mesazh mbështetës për Bashën
PPE
vetëm tri ditë para zgjedhjeve i ka dërguar një mesazh inkurajues kreut të PD- së, Basha. Presidenti i PEE- së, Joseph Daul inkurajon Bashën që të fitojë zgjedhjet dhe të formojë qeverinë e re. "Zgjedhjet parlamentare këtë të diel në Shqipëri nuk konsistojnë vetëm të zgjedhurit majtas ose djathtas, por në të zgjedhurit midis prosperitetit dhe të ardhmes europiane të Shqipërisë, apo stanjacionit. PD përfaqëson të vetmen alternativë që ofron zhvillim ekonomik, si edhe është e vetmja parti që ka një plan për të ringjallur ekonominë e vendit, të hapë vende pune dhe të investojë shumë në edukim dhe kërkime shkencore. Gjithashtu, parakusht i zhvillimit ekonomik është reforma në drejtësi, sundimi i ligjit, lufta ndaj krimit të organizuar dhe korrupsionit, krijimi i shanseve të barabarta për qytetarët, veçanërisht të rinjtë. Basha ka luftuar për vite për ta modernizuar vendin dhe unë besoj se ai do të qëndrojë i vendosur në implementimin e reformave të nevojshme që do ta sjellin Shqipërinë më afër vlerave dhe standardeve europiane. Çdo ndërhyrje apo manipulim i rezultatit të zgjedhjeve nuk do të tolerohet. U bëj thirrje autoriteteve shqiptare që t'u qëndrojnë të gjitha standardeve europiane për të garantuar zgjedhje të lira dhe të ndershme. Një Shqipëri demokratike dhe e fortë sjell stabilitet dhe siguri në rajonin e Ballkanit. Qeveria e re që do të zgjidhet duhet të përshpejtojë përpjekjet për të implementuar sundimin e ligjit, reformën në drejtësi dhe luftën ndaj korrupsionit dhe kanabisit. U uroj kandidatëve të PD- së dhe kryetarit Basha gjithë të mirat ditën e diel dhe fitore", përfundon mesazhi i PPE.