Zbulohet një skemë mashtruese me dokumente të falsifikuara, 6 në pranga dhe 3 në kërkim

Falsifikuan vulën e Drejtorisë së Tatimeve Tiranë

Seksioni

për Krimin Ekonomik në Drejtorinë Vendore të Policisë Tiranë ka arrestuar 6 persona dhe 3 të tjerë janë shpallur në kërkim, pasi akuzohen se me dokumente të falsifikuara merrnin kredi në shuma të konsiderueshme parash. Në mesin e personave të arrestuar është edhe një femër, ndërsa dyshohet se numri i personave të përfshirë në këtë skemë mashtrimi është edhe më i lartë. Burime pranë policisë bënë me dije se të arrestuarit janë shtetasit Albert Shirka, Ertgrent Boshti, Riselda Hoxha, Elsad Zhabjaku, Luan Dana, si dhe personi me inicialet A. S. Sipas të njëjtave burime, mësohet se dy prej tyre janë kreditorë, ndërsa 3 të tjerë sekserë. Ndërkaq, shtetasit Albert Shirka në mo- mentin e arrestimit iu gjetën në xhep edhe dy vulat e falsifikuara. Burimet e lartëpërmendura sqaruan se këta persona, kishin falsifikuar vulën e Drejtorisë së Tatimeve Tiranë dhe në këtë mënyrë kishin krijuar një skemë mashtrimi që siguronin kredi me verifikime pune të falsifikuara. Këto verifikime, që mbanin vulat e Tatimeve paraqiteshin më pas në banka dhe personat që do të merrnin kredi hiqeshin sikur punonin në kompani të ndryshme në kryeqytet, duke lehtësuar kështu edhe kushtet e mar- rjes së kredisë. Me anë të kësaj skeme, personat e lartëpërmendur kishin filluar të dëmtonin edhe imazhin e kompanive që ata pretendonin se punonin. Operacioni për kapjen e tyre u realizua ditën e djeshme, pasi ky grup kishte planifikuar të merrte një kredi. Ndërkaq, lidhur me këtë grup janë duke u verifikuar edhe raste të tjera të mashtrimeve, pasi dyshohet se numri i tyre mund të jetë tepër i larët. Të arrestuarit akuzohen për mashtrim, falsifikim dokumentesh dhe falsifikim të vulave. xhe. ko