"Policët" tentojnë të marrin peng pronarin e një lokali, e shpëtojnë fqinjët
Hetuesit: Maskat do i vinin gjobë 60- vjeçarit
ELBASAN - Një tjetër ngjarje e rëndë është shënuar mbrëmjen e së mërkurës në qarkun e Elbasanit. Persona ende të paidentifikuar, të cilët janë prezantuar si punonjës policie kanë tentuar të marrin peng pronarin e një lokali. Mësohet se 60vjeçari me inicialet P. S. ishte duke udhëtuar me makinën e tij për në banesë, kur është ndaluar nga një automjet tip "Benz". Personat që ndodheshin në këtë mjet kanë
DYSHIMI
Burime nga grupi hetimor pohuan se paraprakisht dyshohet se personat që janë prezantuar si policë kanë pasur si qëllim marrjen peng të 60- vjeçarit dhe më pas t'i kërkonin familjes së tij ndonjë gjobë të majme. Gjithashtu, dyshohet se 60- vjeçari është mbikëqyrur nga agresorët dhe në momentin që ai ka mbyllur lokalin e është nisur drejt shtëpisë, ata kanë tentuar që ta rrëmbejnë. tentuar që ta marrin forcërisht këtë shtetas. Mesa duket, 60- vjeçari e ka kuptuar që kishte rënë në kurth, ndaj menjëherë ka kërkuar ndihmë duke thirrur me zë të lartë. Menjëherë kanë dalë fqinjët e tij, ndërsa agresorët janë larguar me shpejtësi. Burime zyrtare nga Drejtoria e Policisë së Elbasanit dje bënë me dije se ngjarja ka ndodhur rreth orës 22: 30, në fshatin Bish- qem të njësisë administrative Pajovë të Peqinit. Sipas hetuesve të çështjes, mbrëmjen e së mërkurës, P. S., banues në këtë fshat, ka mbyllur lokalin në pronësi të tij dhe më pas është nisur me makinë për në shtëpi. Sapo ka dalë në superstradë, është ndaluar nga një mjet, në të cilin ndodheshin dy
persona të maskuar ( sipas dëshmisë së pronarit të lokalit). Dy personat kanë zbritur nga "Benz"- i dhe i janë prezantuar 60vjeçarit si efektivë policie. P. S. ka ndaluar makinën dhe në këtë moment njëri nga personat me maskë në fytyrë ka hapur derën e mjetit të tij dhe ka tentuar ta nxjerrë jashtë duke i vendosur në njërën dorë prangën. Në këtë moment 60- vjecari, i cili ka dyshuar se personat nuk ishin punonjës policie ka nisur të bërtasë me të madhe. Në çast kanë dalë fqinjët e tij, ndërsa "policët" kanë hipur në automjetin e tyre dhe janë larguar me shpejtësi drejt qytetit të Elbasanit. I terrorizuar, pronari i lokalit ka bërë denoncim në polici, e cila ka nisur hetimet për zbardhjen e plotë të kësaj ngjarjeje. fa. po.