"Shkeli heshtjen zgjedhore", Task- Forca referon në polici Erion Veliajn
"Policia dështoi të tregojë numrin total të denoncimeve"
Task-
Forca e ngritur me Vendimin e Këshillit të Ministrave, referuar ngjarjeve në ditën e votimit referoi dje në polici kryebashkiakun e Tiranës, Erjon Veliaj për shkelje të heshtjes zgjedhore. "Rasti i tretë është ai i kryetarit të Bashkisë Tiranë, Erjon Veliaj, i cili në shkelje të heshtjes zgjedhore, sipas denoncimeve të shumë qytetarëve përmes fotove dhe dëshmive ka shpërndarë fletëpalosje nëpër shtëpi me lutjen për të votuar Partinë Socialiste me premtimin se buxheti i Bashkisë Tiranë do të përdoret për investime në favor të tyre", - thuhet në vendimin e mbledhjes së gjashtë të Task- Forcës. Ky rast është referuar në polici për verifikim dhe në vijim do të ndërmerren masa të tjera procedurale të tjera sipas ligjit. Dje, Task- Forca u mblodh në takimin e tij të gjashtë, nën drejtimin e zv/ kryeministres Ledina Mandija. Sipas njoftimit për shtyp, "Zyra e kryetarit të Task- Forcës ka adresuar në polici 20 raste të denoncuara nga subjekte elektorale dhe qytetarë të ndryshëm, nga të cilat nga ana e policisë është raportuar vetëm për dy raste". "Policia ka dështuar të tregojë numrin në total të të gjitha den- oncimeve të bëra nga zyra e kryetarit të Task- Forcës, të ministrive apo titullarëve të tjerë të institucioneve në lidhje me përfshirjen e administratës shtetërore në shitblerjen e votës, intimidimin e votueseve nga elementë kriminal apo rasteve të përfshirjes së policisë në aktivitet të paligjshëm", thuhet nga Task- Forca.