Votuan dy herë, tentuan të blejnë vota, eksponentët e LSI në Korçë ndalohen nga policia
Panariti: Komisionerët janë ndaluar pa asnjë lloj arsyetimi
Votimi
në Korçë është shoqëruar me incidente të vogla nga eksponentët e LSI- së. Një komisioner i LSI- së është shoqëruar në polici. Burime zyrtare nga policia bëjnë me dije se Andimiano Ravolli, komisioner në qendrën e votimit 3736, në fshatin Barc të Bashkisë Korçë, rezulton se ka votuar dy herë. Burimet pohuan se Ravolli herën e parë votoi në qendrën ku ishte komisioner dhe herën e dytë në qendrën ku ishte i regjistruar në listë. Ndërkohë që Ravolli u mor në pyetje në polici lidhur me ngjarjen. Një tjetër eksponent i LSI- së është shoqëruar në polici, pas tentativës për të blerë vota. Burime zyrtare nga policia bënë me dije se Pajtim Myrtollarit, kryetar i grupit të këshilltarëve të LSI- së në Këshillin Bashkiak, iu gjetën në mjetin e tij prova materiale. Mes provave materiale, të cilat u fotografuan, është një listë dhe disa transak- sione bankare. Lidhur me këtë ngjarje ka reaguar edhe Edmond Panariti, kryesuesi i listës së LSI- së në Korçë. "Denoncoj shkeljen flagrante të procesit zgjedhur, pasi u arrestua komisioneri me qëllim për të ndërprerë procesin e votimit. Pata takime me drejtues të policisë dhe të prokurorisë, të cilët nuk kishin komunikimin. Do kërkojmë ankimim. Komisionerët janë ndaluar pa asnjë lloj arsyetimi. Sapo ka përfunduar procesi zgjedhor, ata janë liruar, dhe kjo tregon që janë arrestuar qëllimisht. Këto janë karakteristike të një jude dhe jo një shteti ligjor. Këtë nuk e meriton Korça, sepse njihet për qytetari. Në Pustec bllokohet numërimi nga komisionerët e PS- së. Kjo klimë shantazhi është dëshmi e qartë ndaj LSI- së. Dosjen do e paraqesim te monitorimi zgjedhor. Një skenar nga forcat politike që kanë pushtetin në dorë, dhe kjo është PS- ja", - tha Panariti.