Gjirokastër, drejtori i OSHEE kanos gazetaren: Të marr për b...

Pjesëmarrja në rang qarku 41.53%, votueset femra janë 33.97% LSI: Policia ka tmerruar përkrahësit tanë

Një incident ka ndodhur në qen drën e votimit në lagjen "Punëtore" në Gjirokastër. Drejtori i OSHEE- së, përfaqësues i PSsë, Andi Shkurta ka kërcënuar gazetaren. Gazetarja ka filmuar procesin, por drejtori Shkurta i është drejtuar ashpër, duke i thënë se pse filmon. Kur gazetarja e pyet se cili është ai që i ngre zërin, ai i përgjigjet: "Jam qytetar i thjeshtë shqiptar dhe kam të drejtë të informohem".

Gazetarja: "Mos më ngri zërin". Drejtori: "Unë të marr për b* the jashtë aty…".

TENSIONI NE GJIROKASTER

Pak orë përpara votimit në Dropull të Gjirokastrës, zyra e LSI- së bëri me dije për "GSH. al" se Policia e Shtetit tmerroi banorët dhe ndaloi makina të përkrahësve të LSIsë me planin për të vendosur drogë në makinat e tyre.

"Pas këtij skandali, deputeti i Gjirokastrës Vangjel Tavo komunikoi menjëherë me Drejtorin e Përgjithshëm të Policisë Haki Çako dhe i kërkoi të merren të gjitha masat për ruajtjen e rendit dhe mospërfshirjen e oficerëve të policisë në inskenime të tilla të rënda në dëm të procesit zgjedhor. Skandali shkon më tej, kur, sipas burimeve të sigurta vjen informacioni që vëllai i Arben I., A. I., një person me të shkuar kriminale dhe i arrestuar jashtë vendit për trafik droge, i shoqëruar me katër persona të tjerë të armatosur po nisen nga Vlora drejt Gjirokastrës për të terrorizuar votuesit dhe për të intimiduar banorët. Gjithashtu, në të gjithë këtë skenar ku përfshirja e policisë është e plotë dhe në shërbim të krimit, Policia e Gjirokastrës pret të zbatojë një skemë tjetër intimidimi, terrori dhe presioni. Kjo skemë përfshin arrestimin e 4 apo 5 personave të lidhur me LSI- në, të cilëve do u ngrihet një kurth i rremë për blerje votash", thuhet në median elektronike.

"E gjithë Policia e Shtetit duket se është tejet e investuar për t'i shërbyer krimit dhe tjetërsimit të rezultatit të zgjedhjeve në qarkun e Gjirokastrës. Këto informacione u janë përcjellë ambasadave të huaja në vend, si SHBA, BE dhe OSBE/ ODIHR- it", shkruajnë mediat.