Gërdeci ' ndëshkon' PD- në, e nxjerr forcë të tretë
Në zgjedhjet e fundit lokale, opozita doli fituese në Bashkinë e Vorës Votohen PS dhe LSI, refuzohet e djathta
Demokratët jo vetëm që nuk mundën të ru ajnë rezultatin e zgjedhjeve të fundit në fshatin Gërdec, por pikërisht aty pësuan më 25 qershor humbjen e madhe. Partia Demokratike ka pësuar një humbje të thellë, që pasqyrohet nga numërimi i më shumë se gjysmës së kutive. Një nga goditjet që ka marrë partia më e madhe e opozitës ka qenë rezultati në fshatin Gërdec të Bashkisë Vorë. Nga numërimi i kutisë së QV- së Nr. 1560, rezulton se PD- ja është forcë e tretë. Gërdeci u bë i njohur në 15 mars të vitit 2008 kur nga shpërthimi i fabrikës së demontimit të armëve humbën jetën 26 persona. Atë kohë u akuzuan, ministri i Mbrojtjes i asaj kohe Fatmir Mediu dhe djali i ishkryeministrit, si të implikuar në atë që ndodhte brenda fabrikës së armëve ku punohej pa kushte sigurie. Pikërisht në Bashkinë e Vorës, ku bën pjesë edhe Gërdeci, Partia Demokratike kandidonte me ish- ministrin e Mbrojtjes Fatmir Mediu. Dhe kësaj kandidature votuesit e Gërdecit i janë përgjigjur duke e nxjerrë PD- në forcë të tretë pas Partisë Socialiste dhe Lëvizjes Socialiste për Integrim. Ndërkohë, kujtojmë që në zgjedhjet e kaluara PD- ja fitoi në Gërdec. Fshati, i cili njihet për shpërthimin e vitit 2008 ku mbetën të vdekur 26 persona dhe u plagosën mbi 300 të tjerë, i është përgjigjur kështu kandidaturës së Fatmir Mediut që Basha kishte vendosur për zonën në fjalë. Kështu, nga numërimi rezulton se Partia Socialiste ka marrë 81 vota, Lëvizja Socialiste për Integrim 78 vota dhe Partia Demokra- tike 71 vota. Kujtojmë se në zgjedhjet e kaluara, Gërdeci ka votuar për PD- në pavarësisht tragjedisë, por në 2017- ën duket se fshati ka vendosur të refuzojë kandidaturën e Mediut. Por, ndryshe nga Gërdeci, demokratët kanë mbajtur bastionin e tyre në Kamëz. Kryebashkiaku i Kamzës, Xhelal Mziu lajmëroi fitoren në këtë zonë, duke thënë: "Unë e konsideroj një arritje të Kamzës këtë rezultat, pasi nuk duhet të përjashtojmë rolin që ka luajtur koalicioni qeverisës, që kanë përdorur arsimin, OSHEE- në dhe legalizimet". Duke u mbështetur në rezultatin e përgjithshëm të forcës që ai përfaqëson, Partisë Demokratike, Mziu vuri në dukje se humbjen e PD- së e ka sjellë kanabizimi i vendit. "Ngelem shpresëplotë se numri i deputetëve do jetë edhe më i madh se kaq sa kemi tani. Në Shqipëri fajin kryesor e ka kanabizimi, dhe instrumente të tjera shtrënguese. Duke marrë shkas nga zgjedhjet e Dibrës, ku kam qenë vetë prezent, kam parë që vota është tjetërsuar", - theksoi kryebashkiaku i Kamzës, z. Xhelal Mziu për "News24". Fshati Gërdec, i cili njihet për shpërthimin e vitit 2008 ku mbetën të vdekur 26 persona dhe u plagosën mbi 300 të tjerë, i është përgjigjur kështu kandidaturës së Fatmir Mediut që Basha kishte vendosur për zonën në fjalë. Nga numërimi, rezulton se Partia Socialiste ka marrë 81 vota, Lëvizja Socialiste për Integrim 78 vota dhe Partia Demokratike 71 vota. "Ngelem shpresëplotë se numri i deputetëve do jetë edhe më i madh se kaq sa kemi tani. Në Shqipëri fajin kryesor e ka kanabizimi, dhe instrumente të tjera shtrënguese. Duke marrë shkas nga zgjedhjet e Dibrës, ku kam qenë vetë prezent, kam parë që vota është tjetërsuar", - tha kreu i Bashkisë së Kamzës.