Berisha: Ringritje përmes bashkimit, jo përçarjes
Humbja, mesazhi i ish- kryeministrit për demokratët, Bashën dhe kritikët e tij "Arsyet e humbjes t'i gjejmë tek vetja jonë'
Ish- kryeministri Sali Ber isha u bën thirrje demokratëve të bashkohen, si e vetmja mënyrë për të gjetur rrugën e ringritjes, pa përçarje e përjashtime. Vetëm një ditë pasi KQZ deklaroi të mbyllur procesin zgjedhor së bashku me rezultatin, z. Berisha theu heshtjen, duke folur për herë të parë për humbjen e Partisë Demokratike në zgjedhje. Në një shkrim të gjatë në ' FB', Berisha shprehet se droga, krimi, pjesëmarrja e administratës në kundërshtim me ligjin, pabarazia e madhe në media ndikuan qartësisht në rezultat dhe bënë që këto zgjedhje të mos jenë të lira dhe të ndershme ashtu siç i meritonin shqiptarët. Por përkundër kësaj - shprehet Berisha - së pari arsyet duhen kërkuar tek PD. Duke ndarë qëndrimin se përgjegjësi kryesor për humbjen e zgjedhjeve është kryetari Basha, por jo i vetmi, lideri historik i PD- së thotë se rruga e ringritjes nuk është kurrë e lehtë, ajo kalon përmes bashkimit dhe jo përmes përçarjes, as përjashtimit. "Rëndësi vendimtare ka që PD- ja t'u mundësojë të gjithë anëtarëve të saj një proces të drejtë, të ndershëm, të barabartë dhe të pandikuar nga askush për të zgjedhur lidershipin që ata mendojnë dhe gjykojnë se mund t'i çojë si një opozitë e fuqishme drejt fitores, sa më shpejt, të mendjeve dhe zemrave të shqiptarëve", shprehet Berisha. Sipas Berishës, rezultati i këtyre zgjedhjeve është larg atij që dëshironin dhe prisnin demokratët. "Pa asnjë diskutim që droga, krimi, pjesëmarrja e administratës në kundërshtim me ligjin, pabarazia e madhe në media ndikuan qartësisht në rezultat dhe bënë që këto zgjedhje të mos jenë të lira dhe të ndershme, ashtu siç i meritonin shqiptarët", - shkruan Berisha. Ai shton se "të gjitha këto provuan dhe një herë se Edi Rama është armik i egër votës së shqiptarëve. Por pavarësisht presioneve, krimit, antiligjit dhe parave të Noriegës, arsyet dhe përgjegjësitë për këtë humbje të thellë të PDsë, si për rezultatin ashtu dhe sfondin e saj në përputhje me praktikat më të mira të demokracive perëndimore, - vijon Berisha - duhet t'i kërkojmë dhe gjejmë detyrimisht edhe tek vetja jonë. Përndryshe na pret një e ardhme e pasigurt! Sipas Sali Berishës, kryetari i PD është përgjegjësi më kryesor, por natyrisht jo i vetëm për këtë humbje. Berisha thekson se kryetari i PD ka njohur përgjegjësinë e tij personale kryesore për këtë humbje. Statuti i partisë parashikon hapjen e procesit të zgjedhjes së kryetarit të partisë dhe ky i fundit ka deklaruar se do të ngrijë funksionet e tij si kry- I pari i listës së PD- së në qarkun e Vlorës, Agron Shehaj shprehet në "Facebook" se nxitimi për të dalë kundër Bashës tregon shumë për motivet e "skuadrës së sulmit". Ai deklaron se ata sakrifikuan partinë vetëm për të parë të rrëzuar kryetarin, i cili vendosi, me të drejtë, t'u ndërpresë jo marrëdhënien me partinë, por ofiqet. etar partie për kohën e procesit të zgjedhjes së kryetarit, për të mos ndikuar në këtë proces", - vijon më tej lideri historik i selisë blu. Sipas Berishës, "pavarësisht nga emocionet, kundërshtitë e pashmangshme për situata si kjo, rëndësi vendimtare ka që PD t'u mundësojë të gjithë anëtarëve të saj një proces të drejtë, të ndershëm, të barabartë dhe të pandikuar nga askush për të zgjedhur lidershipin që ata mendojnë dhe gjykojnë se mund t'i çojë si një opozitë e fuqishme drejt fitores, sa më shpejt, të mendjeve dhe zemrave të shqiptarëve".