Selami shpall kandidaturën: Me mua, PD- ja më e fortë
Hapet gara me "një anëtar, një votë" për kreun e PD, zgjedhjet në 22 korrik Depozitimi i emrave, deri në datën 2 korrik
Anëtarësia e Partisë Demokratike do të votojë për kryetarin e ri të kësaj force politike në 22 korrik. Grupi i ngarkuar për organizimin e zgjedhjeve në PD shpalli dje 22 korrikun si datën e garës për kreun e ri të PD- së. Anëtarësia do të zgjedhë kreun përmes parimit "1 anëtar, 1 votë". Vendimi i firmosur nga dy nënkryetarët Edi Paloka dhe Edmond Spaho lë një afat deri më 2 korrik për depozitimin e kandidaturave, ndërsa zgjedhjet do të mbahen më 22 korrik, e njëjta datë në të cilën u votua për kryetarin e ri pas dorëheqjes së Sali Berishës në 2013- ën. Anëtarësime të reja nuk do të ketë. Më 22 korrik ata thirren të zgjedhin për herë të dytë sipas parimit "një anëtar, një votë" kryetarin e ri. I pari kandidaturën e shpalli Eduart Selami, i cili mbërriti në PD paraditen e djeshme për të takuar grupin e punës. Ky vendim u bë i ditur nga vetë Selami, fillimisht nëpërmjet një statusi në rrjetin social "Twitter" dhe më pas përmes një konference të posaçme në selinë e PD- së. "Demokratë të nderuar! Me ndjenjë përgjegjësie dhe synim për t'i rikthyer së bashku PD- së lavdinë e merituar, shpall kandidaturën për kryetar", shkruan Selami në profilin e tij.
Kështu pas Lulzim Bashës, Eduard Selami është kandidati i dytë që do të synojë të marrë drejtimin e PD- së, në zgjedhjet e korrikut. Më herët Basha ngriu pozicionin e tij si kryetar dhe i hapi rrugë organizimit të procesit të zgjedhjes së kreut të PD- së sipas parimit "një anëtar, një votë", duke premtuar se do të garojë me projektin e tij për të mbajtur drejtimin partisë. Eduard Selami nuk bënte pjesë në asnjë prej grupeve të personave që firmosën kërkesat për dorëheqjen e Bashës, pasditen e së martës. Selami gjithashtu nuk polemizoi me Bashën as kur ky i fundit e la jashtë listave të kandidatëve për deputetë, por shprehu publikisht mbështetje për emrat e përzgjedhur nga ai. Por në konferencën e djeshme për shtyp, z. Selami deklaroi se situata në të cilën ndodhet kjo parti duhet shfrytëzuar për të ripërtërirë vlerat e saj, të cilat sipas tij, ndër vite ajo i ka humbur. Në vlerësimin e Selamit, PD ka mbetur mbrapa në kohë dhe tani më shumë se kurrë është mundësia që ajo të ecë me hapin e kohës. Dhe në këtë drejtim, Selami ka nënvizuar se është i gatshëm të japë kontributin e tij. "Është për të ardhur keq që PD- në koha e ka lënë mbrapa. PD duhet të ecë me hapin e kohës. Unë jam i sigurt se kjo ditë do të Eduard Selami është kërcënuar dje në ambientet e brendshme të selisë blu. Shoferi i deputetes Mimoza Hajdarmataj i është drejtuar me një gjuhë të ashpër Selamit, pak minuta pas konferencës për shtyp duke e kërcënuar atë. "Çfarë pune ke ti këtu, ça do këtu? Nuk të lë as të hysh në selinë e PD, pasi nuk ke çfarë kërkon këtu?", i është drejtuar ai Selamit. "Pati një incident të pakëndshëm në selinë e PD, që unë më vonë e mësova se kush ishte. Megjithatë do shoh përpara dhe e rëndësishme është gara në PD", tha Selami.
vijë dhe ky do të jetë kontributi im nëse zgjidhem", theksoi z. Selami.
Ai vuri në dukje se PD- ja ka nevojë për një analizë të hapur dhe të drejtpërdrejtë, duke u fokusuar më shumë tek gjërat që e bashkojnë sesa tek ato që e ndajnë atë. "Unë do jap kontributin tim që kjo të jetë një garë një
model jo vetëm për lidershipin e PD, por për të kthyer besimin tek qytetarët dhe për ta çuar Shqipërinë aty ku ajo meriton", u shpreh z. Selami. I pyetur nëse kryetari aktual duhet të japë dorëheqjen nga drejtimi i PD, lideri i dikurshëm i demokratëve ka nënvizuar se përpara zgjedhjeve për kry-
etar të gjithë duhet të jenë të barabartë. "Në këto 4 vjet pamë një nga qeveritë më të këqija dhe nuk arritëm t'u jepnim besim qytetarëve. Me keqardhje them se shqiptarët zgjodhën të keqen më të vogël. Do të kontribuoj për ta ndryshuar këtë trend dhe të zgjedhin të mirën më të madhe", deklaroi z. Selami. Përveç stafit administrativ, dje në zyrë ishin dy nënkryetarët, të cilët janë udhëzuar të përgatisin zgjedhjet për kryetarin e ri. Kryetari me kompetenca të ngrira, Lulzim Basha, hyri në zyrat e tij rreth orës 11: 30 minuta, ndërkohë pak më herët në selinë blu ishte edhe deputeti Eduard Selami, i cili shpalli kandidaturën për kryetar.