Programi për 4 vitet e ardhshme, rritje pagash e pensionesh
Premtimi për katër vitet e ardhshme, rritje ekonomike deri në 5.5 për qind PS premtoi 220 mijë vende të reja pune
Hapja e 220 mijë vendeve të reja të punës, rritje pagash e pensionesh si dhe rritje ekonomike deri në 5.5% në katër vitet e ardhshme, ishin disa shtyllat e premtimeve të Partisë Socialiste gjatë fushatës për katër vitet e ardhshme. Gjithashtu, në programin e saj PS- ja angazhohet se gjatë katër viteve të ardhshme ekonomia do të krijojë mundësi që norma e papunësisë të ulet për herë të parë nën nivelin dyshifror ( 8.2 për qind).
PAGAT
Rritje me 40% të pagave, fondi i pagave në sektorin publik rritet me 68 miliardë lekë. "Ne jemi të vendosur për përmirësimin e shërbimeve publike dhe si një masë të rëndësishme në këtë drejtim, konsiderojmë edhe rritjen e pagave në të. Deri në fund të mandatit, do të rrisim deri në 40 për qind pagat, ku prioritet do të kenë sektorët e arsimit dhe shëndetësisë. Jemi të bindur se rritja e kapaciteteve njerëzore me profesionalizëm mbetet thelbësore për mirëqeverisjen e vendit. Ne do të rrisim pagat e administratës publike për të rritur qëndrueshmërinë e institucioneve", shkruhet në manifestin e PS- së. Politikat fiskale synojnë ngushtimin e pabarazisë në harmoni me nxitjen e rritjes ekonomike. Brenda mandatit të dytë, paga minimale do të arrijë 30 mijë lekë. "Ne do të vazhdojmë rritjen vjetore të pensioneve si dhe angazhohemi për dhënien e shpërblimit në fundvit nga 7 deri në 10 mijë lekë për çdo pensionist, duke nisur nga viti i parë i qeverisjes. Paketa e solidaritetit në fund të vitit do të jetë një politikë e përhershme e qeverisë gjatë mandatit të dytë", shkruhet në manifestin e PS- së. "PS- ja angazhohet për të stimuluar në mënyrë të drejtpërdrejtë zhvillimin e teknologjisë së informacionit, ku bizneset që investojnë në zhvillimin e saj do të kenë një normë tatimi për fitimin prej 5%, duke synuar afrimin e kompanive të rëndësishme të industrisë. PS- ja angazhohet se do të transformojë Ndihmën Ekonomike në Program për riintegrim social, përmes përfshirjes së përfituesve në programet e punësimit dhe kualifikimit profesional, në ndërmarrjet sociale dhe biznesin social. Shtimi i ndihmës ekonomike sipas modelit të ri do të shoqërohet me rritjen e përfshirjes në këtë skemë të familjeve të varfra dhe të përjashtuara nga mundësia e përfitimit të saj në të gjithë vendin. Do të rrisim 10% numrin e përfituesve nga shërbimet ko- munitare dhe shërbimet alternative sociale dhe do të ofrojmë tipologji të reja shërbimesh. Deri në vitin 2021, çdo fëmijë rom dhe egjiptian do të regjistrohet në shkollë, 100% e tyre do të mbarojnë arsimin e detyruar dhe 70% më shumë vajza e djem romë dhe egjiptianë do të përfundojnë të gjitha nivelet e arsimit. Do të rrisim numrin e familjeve rome dhe egjiptiane që do të strehohen në banesa sociale dhe alterna-
tivave të ndryshme të strehimit në bashkëpunim me pushtetin vendor", parashikohet më tej në manifestin e PS- së.
PS- ja angazhohet se do të vazhdojë investimet në kullim dhe ujitje të tokës bujqësore, duke e çuar në 100% sipërfaqen e tokës bujqësore nën ujë. Po ashtu, PS- ja angazhohet se do të vazhdojë mbështetjen fiskale të sektorit dhe gjatë mandatit të dytë do të përjashtojë nga TVSH- ja disa nga inputet bazë kryesore bujqësore; një mbështetje prej rreth 20 milionë dollarësh në vit për fermerët. Po ashtu, angazhohet se do të përfundojë shpërndarjen e certifikatave të pronës së tokës bujqësore. "232 milionë dollarë më shumë financime për bujqësinë. Gjatë mandatit të parë rritëm financimin e programit të mbështetjes ndaj fermerëve mesatarisht për çdo vit me 75% ndaj vitit 2013 ( financuam 5.95 miliardë lekë për 20142017 ose mesatarisht 1.488 miliardë lekë në vit përkundrejt 0.847 miliardë lekëve të shpenzuara në 2013 për këtë zë), dhe e rrisim me rreth 23% këtë fond për vitet në vijim ( 1.82 miliardë në vit).