Shkoi me pushime në Vlorë, mbytet në det 76- vjeçari nga Fieri
VLORË - Një i moshuar është mbytur në det në qytetin bregdetar të Vlorës. Sipas policisë, ngjarja ka ndodhur dje rreth orës 10: 55 në lagjen "Ujë i Ftohtë" dhe viktima është M. H, rreth 76 vjeç, banues në Fier. Ai është nxjerrë në breg të detit në gjendje të rëndë, por pas pak minutash ka ndërruar jetë. Mësohet se viktima ishte i shoqëruar nga bashkëshortja e tij dhe kishin shkuar për të pushuar në plazhin e Vlorës. Pas sinjalizimit për mbytjen e pushuesit nga Fieri, policia e qytetit bregdetar ka shkuar në vendngjarje dhe ka nisur hetimet për zbardhjen e plotë të rrethanave të saj.