Zgjedhjet dhe matura shtetërore

Të

gjithë në provim, mat urantët, studentët, politika dhe mendësia e të rinjve ishin në unison me njëri- tjetrin këtë qershor të nxehtë. Zgjedhjet parlamentare gjithmonë kanë një impakt madhor në jetën e shumë maturantëve e studentëve të universiteteve të vendit tonë. Të paktë mund të jenë ata maturantë që nuk kujtojnë gjithë çoroditjen që i kaplon kur provimet e tyre ndeshen edhe me fushatat zgjedhore e zgjedhjet më pas. Shto këtu edhe faktin që shumë të rinj rreth të 20- tave të tyre, pa u formuar as rritur mirë akoma u futën në lista për deputetë, gjë e cila i krijon konfuzion pjesës tjetër të atyre që ishin mbi libra për të siguruar një 5 në provim apo një bursë për në universitet. Sigurisht që e ardhmja e studentëve lidhet ngushtë me potencialin dhe kapacitetet e gjithsecilit, por nuk duhet harru- ar se politikat arsimore që qeveria ndjek janë decizive në formatimin e të ardhmes së tyre. Sistemi arsimor në Shqipëri, gjatë viteve të tranzicionit ka kaluar nëpërmjet shumë modeleve e praktikave, të cilat në shumë raste kanë përmbysur pritshmëritë e të ardhmen e shumë të rinjve. Me zgjedhjet e reja elektorale që sapo lamë pas, politikat arsimore edhe njëherë u kthyen në qendër të debateve e platformave të fushatave elektorale, kjo për faktin se përveç numrit të lartë të studentëve që votojnë, rreth 18% e votuesve janë kryesisht maturantë që votojnë për herë të parë e për rrjedhojë edhe pesha e tyre në rezultatin e zgjedhjeve është e rëndësishme. Edhe njëherë, studentët e maturantët duhet të vendosnin se cila është alternativa më e mirë për të ardhmen e jetës së tyre, që fillimisht nis me arsimin e tyre. E them me bindje që këto zgjedhje të përgjithshme ishin historike, qoftë për zhvillimin e tyre aq paqësor e të qetë ( që tejkaluan pritshmëritë në këtë pikë) por siç duket edhe për pranimin e rezultatin e tyre, që me përjashtime të vogla dhe me vërejtje pothuaj të përgjithshme u pranuan gati në unanimitet edhe nga partitë e ndërkombëtarët. Këtë herë gjurmët e fushatës nisën me bojkotin dhe protestën 90- ditore të opozitës, një marrëveshje pozitëopozitë e deri në përballjen e ashpër të fushatës mes forcave kryesore politike në vend. Secila prej tyre kërkonte të fitonte epërsi mbi zonat gri në të gjithë vendin dhe sigurisht e kthyen edhe njëherë vëmendjen tek maturantët që votojnë për herë të parë, tek studentët e universiteteve. Për shumicën e maturantëve, siguria dhe dëshira për të qenë pjesë e universiteteve është disi jopropocionale, nëse do të kemi parasysh potencialin, aftësitë, rezultatet e provimeve të tyre si edhe praktikën e arsimit të lartë me të cilën do të ballafaqohen studentët në shtator. E nëse mendoni se kjo është e vetmja sferë që prek jetën e stu-