Rama: Tur dëgjesash për 30 ditë, më pas operacion në zyrat e shtetit
Drejtuesit në qarqe do të mbledhin të dhëna për punën e administratës "Qytetarët të raportojnë abuzimet, çojmë tepsinë për skrap"
Kryeministri Edi Rama lajmëroi dje, nisjen e një turi 30- ditor dëgjesash në çdo qark të vendit. Kreu i qeverisë bëri të ditur dje, përmes një statusi në rrjetin social "Facebook", se drejtuesit e qarqeve do të dëgjojnë prej qytetarëve dhe do të marrin të dhëna në lidhje me funksionimin e zyrave të administratës shtetërore, e më pas të gjitha këto të dhëna do të shërbejnë si një dokument bazë për atë që ai e quan "operacioni i çuarjes së tepsisë për skrap". Thënë më shkoqur, në bazë të këtij raporti, qeveria e re do të bëjë lëvizjet në administratën shtetërore. Në shënimin titulluar "Për koalicionin kundër tepsisë", Rama shkroi dje: "Të hënën do të mblidhemi me deputetët e rinj dhe kandidatët për deputetë, pra me të gjithë skuadrën tonë të 25 qershorit, për nisjen e turit të dëgjesave në bazë të çdo qarku gjatë gjithë muajit korrik". "Një aspekt i rëndësishëm i këtij turi dëgjesash, do të jetë mbledhja e të dhënave për punën e zyrave të administratës shtetërore. Për këtë qëllim do të përdoret edhe mbledhja e informacionit online nga njerëzit e zakonshëm, lidhur me zyrat e shërbimeve për publikun dhe punonjësit e drejtuesit e tyre", u shpreh kreu i qeverisë. Sipas tij, "në këtë fazë ky informacion do të mblidhet përmes kësaj faqeje, apo faqeve online të udhëheqësve tanë në çdo qark. Ndërsa më pas, kur platforma e bashkëqeverisjes me njerëzit, SHQIPËRIA QË DUAM, të jetë gati bashkë me qeverinë e re, një seksion i veçantë i saj do t'i shërbejë posaçërisht çdo qytetari; për të tërhequr vëmendjen e qeverisë për punën e zyrave të shtetit në çdo pikë të vendit apo vënë alarmin në qeveri, për raste konkrete të abuzimit me detyrën ose sjelljes së padenjë të nëpunësve të shtetit me njerëzit". Më tej, kryeministri Rama sqaroi: "Pas këtij turi 30- ditor, të gjitha të dhënat e mbledhura për institucionet dhe zyrat e shtetit, do të analizohen imtësisht qark për qark". "Mbi bazën e tyre do të përgatitet një raport ku do pasqyrohet
cilësia e punës, niveli i shërbimit dhe reputacionit publik të çdo dege të administratës shtetërore e të çdo drejtuesi përkatës. Ky raport do të jetë në tryezën e qeverisë së re që në ditën e parë të punës, si një nga dokumentet bazë që do t'i shërbejnë operacionit të çuarjes së tepsisë për skrap". Dy ditë më parë, kryeministri ftoi të gjithë ndjekësit në "Fa-
cebook" që të japin mendimet e tyre në lidhje me atë se çfarë duhet të përmirësojë qeveria e re. Ndërsa të premten ai shpalli platformën për "Shqipërinë që duam". Siç sqaroi Rama, "kjo platformë do të shërbejë për t'ju dëgjuar në kohë reale për çështje të aktualitetit politik e qeverisës; për të diskutuar me ju reforma e masa të rëndësishme dhe Të premten, kryeministri Rama shpalli platformën për "Shqipërinë që duam". Siç sqaroi Rama, "kjo platformë do të shërbejë për t'ju dëgjuar në kohë reale për çështje të aktualitetit politik e qeverisës; për të diskutuar me qytetarët reforma e masa të rëndësishme dhe mundësuar ndikimin e qytetarëve mbi politikat qeverisëse në çdo sektor e mbi punën e çdo ministrie".
mundësuar ndikimin tuaj mbi politikat qeverisëse në çdo sektor e mbi punën e çdo ministrie apo institucioni të varësisë; për të luftuar së bashku korrupsionin, evidentuar tepsixhinjtë apo parazitët e çdo niveli, duke i goditur me zero tolerancë e nxitur zgjidhjen e ndershme të problemeve komunitare apo vetjake të kujtdo prej jush".