Rikthehet "anti- informaliteti", Tatimet: Denonconi bizneset që s'japin kupon
Nis fushata në zonat turistike për respektimin e çmimeve të afishuara Tatimet dalin në terren, kontrolle për kasat dhe kuponin
Tatimet do të forcojnë kontrollet për kasat fiskale dhe lëshimin e kuponit tatimor. Drejtoria e Përgjithshme e Tatimeve ka ftuar konsumatorët që të kërkojnë kudo, ku bëjnë blerje, kuponin tatimor, si dhe të denoncojnë çdo rast kur kuponi nuk jepet. "Ne ju inkurajojmë të denonconi çdo rast. Bëhuni pjesë e luftës kundër infor malitetit. Mund të denonconi edhe duke na dërguar një mesazh në faqe me foto ose video dhe ne do të ndjekim çdo rast", thonë zyrtarisht tatimet, duke kujtuar që paratë që mblidhen nga taksat do të shkojnë për më shumë shërbime publike, shkolla, spitale, infrastrukturë, rend.
MASAT PËR SEZONIN
Më herët Tatimet kishin njoftuar se me fillimin e sezonit turistik kishin hartuar strategjinë dhe planin e masave për sezonin turistik 2017. Në këtë sezon qasja ndaj biznesit do jetë e mbështetur në modelin e analizës së riskut, konkretisht vizita fiskale, kontrolle nga zyra dhe ndërhyrje në territor aty ku do të konstatohen parregullsi. "Nisur nga të dhënat e institucioneve vendase, si dhe operatorëve turistikë pritet një fluks më i lartë turistësh në raport me vitet e shkuara. E gjithë kjo përkthehet në kërkesa për shërbime, të cilat detyrimisht do të ofrohen nga biznesi. Në këtë kuadër administrata tatimore duhet të marrë masa për t'iu përgjigjur në kohë dhe me korrektësi kërkesave të çdo subjekti që do të ushtrojë veprimtarinë e tij në zonat turistike"- porosit Vasilika Vjero vartësit e saj. Komiteti i Përmbushjes shqyrtoi planin e masave për të garantuar ofrimin e shërbimeve konform legjislacionit si përputhja e çmimit të afishuar dhe dokumentuar në pajisjet dhe dokumentacionin fiskal si një përgjegjësi e përbashkët që turistëve vendas dhe të huaj t'iu ofrohet një trajtim korrekt, respektimin e detyrimit për de- klarimin korrekt të të gjithë të punësuarve etj. Veç të tjerash plani i masave parashikon informimin dhe sensibilizimin e të gjithë tatimpaguesve dhe individëve Në pesë muajt e parë të këtij viti, të ardhurat tatimore janë rritur me gati 9% në raport me të njëjtën periudhë të 2016- s, për të arritur në 163 miliardë lekë, duke shënuar një nga performancat më mira të viteve të fundit.
për respektimin e legjislacionit tatimor e do të mbështetet fort në informimin e gjerë të tyre.
TË ARDHURAT
Të ardhurat në buxhetin e shtetit nga administrata fiskale për 5- mujorin e parë të këtij viti rezultojnë 11.9 miliardë lekë më shumë se një vit më parë. Sipas të dhënave nga Ministrisë së Financave, të ardhurat totale në 5- mujorin 2017 janë realizuar në masën 176.2 miliardë lekë. Të ardhurat nga "Tatime dhe Dogana" ( përfshirë kontributet e mbledhura nga DPT) për 5mujorin 2017, u realizuan në vlerën 118.7 miliardë lekë, të ardhurat nga taksa tatimore janë realizuar në vlerën 163.4 miliardë lekë. Sipas këtyre treguesve, shpenzimet e përgjithshme publike për muajin e pestë të vitit 2017, arritën në rreth 169.9 miliardë lekë, ndërsa krahasuar me të njëjtën periudhë të vitit 2016, ky zë ka rezultuar rreth 24 miliardë lekë më shumë.