Politika gjermane për azilkërkuesit: fillimisht mrekulli, pastaj...
' Deutsche Welle'
( vijon nga faqja 1) shfrytëzojnë programet për t’u kthyer. Ne fillim debatohej për shanset që krijohen me ardhjen e migantëve, kurse tani diskutohet vetëm se si mund të dëbohen sa më shpejt ata të cilëve u refuzohet azili.
Lëvizjet populiste të djathta nxitën me parullat e tyre nacionaliste kundër refugjatëve debatin për migrantët. Politika ndaj emigrantëve shihet si një nga arsyet për rritjen e madhe të partisë Alternativa për Gjermaninë ( AfD), e cila ndjek një kurs të ashpër ndaj refugjatëve dhe islamit. Sipas drejtuesit të organizatës për të drejtat e njeriut “Pro Asyl”, Günter Burkhardt, politika mirëseardhëse e Merkelit ka mbaruar. “Vera e mirëseardhjes u ndoq nga një dimër i gjatë deri në muajt e verës së këtij viti”. “Shumë qartë shihet se Zyra Federale për Migracion dhe Refugjatë ( BAMF) është duke i përpunuar me një shpejtësi shumë më të madhe kërkesat për azil pas presionit të lartë nga qeveria”, thotë Bukhard në intervistë me “DW”, duke shtuar: “Tanimë procedurat nuk kanë të bëjnë fare me fatin individual të refugjatëve, por ato vendosen në bllok – dhe janë të gabuara”.
A do të dobësohet krahu i djathtë, nëse dëbohen më shumë refugjatë?
Në intervistë për “DW”- në, avokati Viktor Pfaf, i cili merret me çështjet e azilkërkuesve prej më shumë se 30 vjetësh, ankohet se në procedurë ka shumë më tepër probleme sesa vetëm me dokumentacionin. Ai thotë që për të përshpejtuar procedurat përdoren softwere për regjistrimin e bisedave, që më pas nuk korrigjohen. “Pra kemi të bëjmë edhe me protokolle, që janë krejtësisht të pakuptueshëm”, thotë avokati. Një shikim në statistika tregon se praktikat e fundit për shtrëngimin e sistemit të azilit, kanë dhënë rezultate të shpejta. Deri në muajin maj janë refuzuar deri në 107.000 kërkesa.
Ministri i Punëve të Brendshme, Thomas de Maiziere tha në një intervistë për gazetën “Die Zeit”, se kur kërkesat refuzohen dhe kërkuesit detyrohen të largohen, nuk bëhet për ndonjë arsye keqdashëse, por vetëm sepse zbatohet ligji.
Tani po bëhet gjithnjë e më e qartë se fjalia “Ne do t’ia dalim mbanë” ka marrë - dy vjet pas pikës kritike të ardhjes së refugjatëve - një kuptim krejt të ndryshëm.