Emini pranë lamtumirës, Lushnja konfirmon Banon, Laçi mban Nicën

Kukësi

me shumë gjasa do të humbasë pas sfidave të Champions League sulmuesin Tetovar Izair Emini. 32- vjecari pritet të rikthehet te Shkëndija e Tetovës, ku për herë të fundit është aktivizuar në sezonin 2012- 2013. Me fanellën e Kukësit, Emini luajti për një sezon e gjysmë, ku në 48 ndeshje kampionati realizoi 18 gola, duke qenë vendimtar në edicionin që sapo u mbyll me golat e tij në rrugën drejt titullit. Është trajneri i ri i Shkëndijës, Qatip Osmani, ai që ka kërkuar rikthimin e Eminit në skuadër si një mundësi për të përforcuar akoma më shumë repartin e sulmit tetovar.

Ka garë dyshe në merkaton e verës për ish- sulmues- in e Luftëtarit, Reginaldo. Flamurtari dhe Laçi kanë avancuar në drejtim të sulmuesit nga Mozambiku me oferta konkrete. 27- vjeçari ra në sy me lojën e tij te gjirokastritët jo vetëm për 8 golat e shënuar, por edhe mënyrën e të luajturit, duke qenë një nga më të mirët në skuadrën sur- prizë të kampionatit. Tashmë mbetet për t'u parë se kush ofertë do të jetë më bindëse në drejtim të Reginaldos dhe cila do të jetë e ardhmja e tij. Teuta kërkon të marrë nga Flamurtari mbrojtësin Arber Beqaj. Mbrojtësi 19- vjeçar, i cili është aktivizuar si titullar në pjesën e parë të sezonit që sapo u mbyll, shihet si një zgjidhje optimale për krahun e djathtë te Teuta. Beqaj humbi vendin në formacion pas ardhjes së Ivan Jakovleviç dhe tashmë është ishtrajneri i tij tek Flamurtari, Gugash Magani, që dëshiron ta ketë në skuadrën e Teutës. Lushnja nis punën për sezonin e ri me konfirmimin në rolin e trajnerit të Artan Banos. Puna e bërë edicionin e shkuar në një grup të vështirë në Kategorinë e Parë ka bindur drejtuesit e klubit për të vijuar edhe në elitë me 51- vjeçarin në krye të skuadrës. Një ish- futbollist i Lushnjës, Bano, gjendet në krye të ekipit që nga vera e vitit 2012, teksa ky do të jetë sezoni i 7- të për të si trajner i verdhejeshilëve. Objektivi i Lushnjës dhe trajnerit Bano është mbijetesa mes më të mirëve në sezonin e ardhshëm. Stavri Nica do të vijojë të jetë trajneri i Laçit edhe për sezonin e ardhshëm. 63- vjeçari është konfirmuar në krye të kurbinasve, pas punë së mirë të kryer sidomos në sezonin që sapo u mbyll. Stavri Nica arriti të kryejë një mision të pamundur me Laçin, pasi mbijetoi mes më të mirëve në një situatë të pashpresë për bardhezinjtë disa javë përpara fundit të kampionatit. Trajneri durrsak është parë si njeriu ideal nga presidenti Pashk Laska për të vijuar punën edhe në sezonin e ardhshëm, ku Laçi synon të rikthehet në Europë.