Basha: Bashkimi i demokratëve mposht paratë e krimit e drogës
Kreu i PD denoncon blerjen e votës në Kavajë: 100 mijë euro për 40 vota "Gabimet e mia politike, jo pushtet i një grupi politikanësh"
Lulzim Basha zhvilloi dje takime me demokratët e Lezhës, Kurbinit, Mirditës, Krujës dhe Fushë- Krujës, ku u ndal në analizën e zgjedhjeve, në përgjegjësitë që mban ai për rezultatin, dhe mësimet që duhen nxjerrë. Basha theksoi se me 25 qershor triumfoi shitblerja e votës, dhe PD ishte e vetmja forcë politike që nuk u përlye në këtë krim. "E nisëm këtë betejë me qëllim garantimin e zgjedhjeve të lira, të lira nga droga, të lira nga krimi, të lira nga korrupsioni që i mori shpirtin shqiptarëve në çdo nivel. Milionat ishin derdhur tashmë. Qindra mijëra votues ishin kapur jo prej një jave, por prej muajsh të tërë. Varfëria e tyre ishte blerë, integriteti i tyre ishte përdhosur. E vetmja forcë politike që nuk u angazhua në shitblerje votash është Partia Demokratike. E vetmja forcë politike që nuk u angazhua në joshje, shantazhe, terror dhe presion ndaj votuesve, është Partia Demokratike", deklaroi z. Basha. Sipas tij ekziston mundësia për të mposhtur paratë e krimit dhe të drogës, dhe kjo vjen nga bashkimi i gjithë demokratëve. "Kemi mësime të çmuara në këto zgjedhje. Njëri prej tyre është mësimi i Kavajës. E para është bashkimi. Në Kavajë u bashkuan të gjithë faktorët dhe për herë të parë pas tetë vjetësh, Partia Demokratike u rikthye forcë e parë politike në Kavajë, në një qytet ku sundonte banda e Ervin Roshit, një nga më famëkeqet, ku paratë u derdhën lumë nga një nga kapot e korrupsionit që është Arben Ahmetaj, duke paguar shuma marramendëse, deri në 100 mijë euro për 40 vota në Stan të Ri", deklaroi kreu i PD- së. Lulzim Basha vuri në dukje se është i vetëdijshëm për përgjegjësitë e tij. Kush i kupton gabimet, tha ai, ka dhe vullnetin për t'i ndrequr. Duke i siguruar demokratët se e ka