Lulzim Basha: Nuk bëjmë pakt me krimin për të ardhur në pushtet
Dy kandidatët për kryetar të PD- së mohojnë lidhjet me Xhorxh Soros Selami: Të rikthehemi te funksionimi demokratik brenda vetes
Kandidatët për kry etar të Partisë Demokratike, Lulzim Basha dhe Eduard Selami u përballën dje, në një debat dhe bashkëbisedim me demokratët e Pogradecit, Devollit, Maliqit, Ersekës dhe Korçës. Por, mes dy kandidatëve për kreun e PD- së pati dje, replika në lidhje me marrëdhëniet e tyre me organizatën e Sorosit. Gjatë prezantimit të platformave respektive para demokratëve në Korçë, njëri prej tyre i ka pyetur të dy kandidatet, se cili ishte pozicioni i tyre në raport me Sorosin. Selami është shprehur se ai nuk ka asnjë lidhje me ketë organizate, ndërsa fakti që bashkëshortja e tij punon për fondacionin e Xhorxh Soros nuk ka asnjë ndikim ne vendimmarrjen e tij. Edhe Basha ka mohuar të ketë lidhje me multimiliarderin, duke e konsideruar organizatën e tij, si mbështetëse të socialistëve dhe Ramës. Por, në këtë moment, Selami i ka kërkuar Bashës të tregohet i sinqertë dhe të tregojë që bursën në Holandë e ka marrë pikërisht nga Soros- i. Madje, Basha dhe Grida Duma, vijoi Selami e kanë falënderuar publikisht Xhorxh Soros për mundësimin e studimeve dhe për ketë ka edhe filmime. Nga ana e tij, Lulzim Basha, nuk e ka pranuar argumentin e Selamit, duke u shprehur se bursa e tij nuk është financuar nga Soros, por nga një fondacion tjetër. Gjithsesi një foto e bërë në vitin 2014, që tregon vizitën e Xhorxh Soros në Partinë Demokratike dëshmon se në takim ishin të dy, si Basha, ashtu edhe Selami. Gjatë paraqitjes së tij, Basha u shpreh: "Ne nuk bëmë dhe as nuk do bëjmë pakt me krimin për të ardhur në pushtet. Ne ishim partia e vetme që erdhi me një program, me një ofertë, me një alternativë, që erdhi nga nevojat e qytetarëve, të cilat nuk i shfletuam gazetave dhe revistave dhe as nuk i shpikëm në laborator politik, por bashkë i prekëm këto 4 vite", deklaroi në këtë debat kryetari i PD- së. "Me dhjetëra herë unë kam qenë bashkë me ju te biznesi i vogël i Korçës, te fasonët, te prodhuesit, te agro-
biznesi, te fermerët, te pensionistët, te studentët. Ka qenë kjo prekja e realitetit që e bëri programin tonë realist në problemet më akute që kërkonin zgjidhje. E bënin ambicioz në zgjidhjet që ofronin brenda filozofisë politike të së djathtës dhe plotësisht të realizueshëm dhe të buxhetuar. Por ç ' rëndësi ka kjo, kur nuk ka proces, kur nuk ka zgjedhje. Kur pala tjetër nuk ofron asgjë, as program, as plan, as vizion. Sepse e gjithë fushata, ishte te shitblerja e votës. Nuk ka shqiptar që se kup-
ton diferencën mes partive që shesin e blejnë votën dhe përdorin bandat dhe partisë së vetme që ka vlera, parime, ka program, ka zgjidhje. Kuotën morale ta bashkojmë me forcën tonë numerike dhe politike. Akti i parë, bashkimi i brendshëm", tha Lulzim Basha. Ndërsa kandidati tjetër, Eduard Selami u shpreh: "Mendimi im është që kjo humbje nuk ishte e papritur. Kjo humbje kishte kohë që ne e shikonim si demokratë. Dhe nuk është humbja e parë dhe fatkeqë-
sisht nëse nuk e shikojmë këtë humbje dhe të gjejmë shkaqet e saj, kam frikë se do ta kem shumë të vështirë të rikthehemi". "Fatkeqësisht, Partia Demokratike nuk funksionon më si parti demokratike e bashkëkohore dhe nuk ka demokraci të brendshme që ne meritojmë. Është për të ardhur keq. Me shumë prej jush njihemi që nga 90- ta. Ne jemi sot më pak demokratë dhe funksionojmë në mënyrë më pak demokratike seç kemi funksionuar në fillimet tona", tha Selami.